షార్ట్‌-టర్మ్‌ ఆరోగ్య బీమా

షార్ట్‌-టర్మ్‌ ఆరోగ్య బీమా తాత్కాలిక కవరేజీని కల్పిస్తుంది. దీన్నే టర్మ్‌ మెడికల్‌ ఇన్సూరెన్స్‌ అని కూడా పిలుస్తారు. సాధారణంగా ఇది కొద్ది నెలల నుంచి ఏడాదిదాకే ఉంటుం ది. ఎవరైతే స్టాండర్డ్‌ హెల్త్‌ ఇన్సూరెన్స్‌ పాలసీలతో వచ్చే దీర్ఘకాలిక ఆరోగ్య బీమాలు కాకుండా తక్షణ కవరేజీలను కోరుకుంటారో వారినుద్దేశించినదే ఈ పాలసీ.

• లాభాలు, పరిమితులు తెలుసా?

షార్ట్‌-టర్మ్‌ ఆరోగ్య బీమా తాత్కాలిక కవరేజీని కల్పిస్తుంది. దీన్నే టర్మ్‌ మెడికల్‌ ఇన్సూరెన్స్‌ అని కూడా పిలుస్తారు. సాధారణంగా ఇది కొద్ది నెలల నుంచి ఏడాదిదాకే ఉంటుం ది. ఎవరైతే స్టాండర్డ్‌ హెల్త్‌ ఇన్సూరెన్స్‌ పాలసీలతో వచ్చే దీర్ఘకాలిక ఆరోగ్య బీమాలు కాకుండా తక్షణ కవరేజీలను కోరుకుంటారో వారినుద్దేశించినదే ఈ పాలసీ. సమగ్ర కవరేజీని కొనలేనివారికి కూడా ఇది ఉపయుక్తంగా ఉంటుంది. కంపెనీల్లో గ్రూప్‌ ఇన్సూరెన్స్‌ కోసం వేచిచూస్తున్న ఉద్యోగులు, నిరుద్యోగులకు దీని అవసరం ఎక్కువని చెప్పవచ్చు.

• షార్ట్‌-టర్మ్‌ హెల్త్‌ ఇన్సూరెన్స్‌ శైలి
• కేవలం కొద్ది నెలల నుంచి ఏడాది వరకే బీమా కవరేజీ.
• లాంగ్‌-టర్మ్‌ ప్లాన్లతో పోల్చితే షార్ట్‌-టర్మ్‌ ప్లాన్లకు ప్రీమియంలు తక్కువే.
• ఇప్పటికే ఉన్న ఆరోగ్య సమస్యలకు బీమా కవరేజీ ఉండకపోవచ్చు. కొన్ని రకాల చికిత్సలకూ వీలుండదు.
• కనీస ఆరోగ్య సమాచారంతో ఈ ప్లాన్లను తీసుకోవచ్చు.
• పరిమిత స్థాయిలోనే ఈ ప్లాన్ల చెల్లుబాటు ఉంటుంది. ఎంపిక చేసిన నెట్‌వర్క్‌లో తప్ప.. అన్ని దవాఖానల్లో చెల్లవు.
• లాంగ్‌-టర్మ్‌ హెల్త్‌ ఇన్సూరెన్స్‌ పాలసీలను రెన్యువల్‌ చేసుకున్నట్టుగా ఈ షార్ట్‌-టర్మ్‌ పాలసీలను రెన్యువల్‌ చేసుకోలేం.

చివరగా..

షార్ట్‌-టర్మ్‌ హెల్త్‌ ఇన్సూరెన్స్‌లు తక్షణ అవసరాలకే పనికొస్తాయి. కాబట్టి లాంగ్‌-టర్మ్‌ హెల్త్‌ ఇన్సూరెన్స్‌లకే ప్రాధాన్యం ఇవ్వాలి. అప్పుడే దీర్ఘకాలిక ఆరోగ్య ప్రయోజనాలను పొందుతాం. ప్రీమియంలు ఎక్కువైనప్పటికీ క్లెయిములు లేకపోతే కవరేజీలు పెరిగే ప్రయోజనం ఉంటుంది. మెటర్నిటీ, మెంటల్‌ హెల్త్‌ తదితర అవసరాలు, సమస్యలకూ స్టాండర్డ్‌ హెల్త్‌ ఇన్సూరెన్స్‌లే లాభదాయకం అని స్పష్టంగా చెప్పవచ్చు. అందుకే సమగ్ర ప్యాకేజీని తీసుకోవడం మరువద్దు.