SBI Amrut Kalash | అమృత్ క‌ల‌శ్ పున‌రుద్ధ‌రించిన ఎస్బీఐ.. జూన్ వ‌ర‌కు గ‌డువు!

SBI Amrut Kalash | ఎస్బీఐ తన స్పెషల్ ఫిక్స్ డ్ డిపాజిట్ స్కీం `అమృత్ క‌ల‌శ్` ఫథకాన్ని జూన్ నెలాఖరు వరకు పొడిగించింది.

SBI Amrut Kalash | దేశంలోనే అతిపెద్ద ప్రభుత్వరంగ బ్యాంకు..భారతీయ స్టేట్‌ బ్యాంక్ (ఎస్బీఐ) తన లిమిటెడ్ ఆఫర్ స్పెషల్ ఫిక్స్‌డ్‌ డిపాజిట్ స్కీం.. ‘అమృత్‌ కలశ్‌ డిపాజిట్‌’ను పునరుద్ధరించింది. 400 రోజుల గడువుతో ఈ స్కీం అందుబాటులో ఉంటది. గత నెలాఖరుతోనే ఈ స్కీం గడువు ముగిసినా మళ్లీ పునరుద్ధరించింది. వచ్చే జూన్ నెలాఖరు వరకు ఈ స్కీం అందుబాటులో ఉంటుంది.

ఈ పథకంలో నగదు డిపాజిట్ చేసిన సాధారణ పౌరులకు 7.1 శాతం, సీనియర్ సిటిజన్లకు 7.6 శాతం వడ్డీ రేటు అందిస్తున్నది. ఈ నెల 12 నుంచి పునరుద్ధరించిన ఎస్బీఐ అమృత్ క‌ల‌శ్ స్కీం.. జూన్ 30 వ‌ర‌కు అందుబాటులో ఉంది. ఈ ప‌థ‌కం కింద డిపాజిట్ల‌పై ఆదాయం ప‌న్ను చ‌ట్టం కింద టీడీఎస్ డిడ‌క్ష‌న్ చేస్తారు. బ్యాంకు బ్రాంచ్‌లు, ఇంట‌ర్నెట్ బ్యాంకింగ్‌, యోనో యాప్ ద్వారా ఈ స్పెష‌ల్ ఫిక్స్‌డ్ డిపాజిట్ స్కీమ్‌లో చేర‌వ‌చ్చు.

ఖాతాదారులు గ‌రిష్టంగా రూ.2 కోట్ల వ‌ర‌కు డిపాజిట్ చేయొచ్చు. స్వ‌ల్ప‌కాలిక ల‌క్ష్యంతో డిపాజిట్ చేసే వారికి ఈ అమృత్ క‌ల‌శ్ ప‌థ‌కంతో ప్ర‌యోజ‌నాలు ఉన్నాయి. మెచ్యూరిటీకి ముందే న‌గ‌దు విత్ డ్రా చేసుకోవ‌డంతోపాటు లోన్ సౌక‌ర్యం కూడా ఉంది.