కొత్త ఏడాది రిఫ్రిజిరేటర్లు ప్రియం

కొత్త సంవత్సరం వస్తున్నది. ఇదే సమయంలో మనం నిత్యం ఉపయోగించే వాటి ధరలు కూడా పెరగనున్నాయి. ఇక జనవరి 1 నుంచి అమల్లోకి రానున్న మార్పులను ఓ సారి పరిశీలిద్దాం.

• సీలింగ్‌ ఫ్యాన్లు, ఇతర ఉత్పత్తులు కూడా
• జనవరి 1 నుంచి వచ్చే మార్పులు ఇవే

న్యూఢిల్లీ, డిసెంబర్‌ 29: కొత్త సంవత్సరం వస్తున్నది. ఇదే సమయంలో మనం నిత్యం ఉపయోగించే వాటి ధరలు కూడా పెరగనున్నాయి. ఇక జనవరి 1 నుంచి అమల్లోకి రానున్న మార్పులను ఓ సారి పరిశీలిద్దాం.

• రిఫ్రిజిరేటర్ల ధరలు 2 నుంచి 5 శాతం వరకు పెరిగే అవకాశముంది. కొత్త నిబంధనలు అమల్లోకి రానుండటంతో వీటి ధరలు పెరుగుతాయి.
• సీలింగ్‌ ఫ్యాన్‌ ధరలు కూడా పెరుగుతాయి. దేశంలో తొలిసారిగా వీటిని స్టార్‌ లేబలింగ్‌ రెగ్యులేషన్స్‌ కిందకు తీసుకురావడంతోనే ధరలు పెరుగుతున్నట్టు తెలుస్తున్నది.
• ఎస్బీఐ క్రెడిట్‌ కార్డు రివార్డు పాయింట్లలో మార్పులు రానున్నాయి.
• హెచ్‌డీఎఫ్‌సీ బ్యాంకుకు చెందిన క్రెడిట్‌ కార్డు చార్జీలు, రివార్డు పాయింట్లలోనూ మార్పులు వస్తాయి.
• ఇన్సూరెన్స్‌ పాలసీలు తీసుకోవాలనుకునేవాళ్లు తప్పనిసరిగా కేవైసీ ఇవ్వాలి. ఇది అన్ని ఇన్సూరెన్స్‌లకు వర్తిస్తుంది.
• సెల్ఫ్‌-డిక్లరేషన్‌ ద్వారా నేషనల్‌ పెన్షన్‌ పథకం నుంచి ఆన్‌లైన్‌ పాక్షిక నగదు ఉపసంహరణ సదుపాయం ప్రభుత్వ రంగ సబ్‌స్ర్కైబర్లకు ఎంతో కాలం ఉండదు. జనవరి 1 నుంచి నిబంధనలు మారనున్నాయి. కేంద్ర, రాష్ట్ర ప్రభుత్వ ఉద్యోగులతోపాటు కేంద్రం ఆధ్వర్యం లో స్వయం ప్రతిపత్తితో నడుస్తున్న సంఘాలు ప్రభావితం కానున్నాయి.
• కార్లు కొనుగోలు చేసేవారికి షాకిచ్చాయి ఆటోమొబైల్‌ సంస్థలు. ఇప్పటికే ధరలు పెంచుతున్నట్లు మారుతి సుజుకీ, హోండా, కియా, రెనో, ఎంజీ మోటర్‌, హ్యుందాయ్‌, టాటా, ఆడీ, మెర్సిడెజ్‌ బెంజ్‌లు కూడాసవరించబోతున్నాయి.