Visit:
న్యూఢిల్లీ, జూలై 23: రూపాయి చారిత్రక కనిష్ఠ స్థాయి పతనానికి చేరువైంది. అంతర్జాతీయ ఫారెక్స్ మార్కెట్లో డాలర్కు అనూహ్యంగా డిమాండ్ నెలకొనడంతో ఇతర కరెన్సీలు తీవ్ర ఒత్తిడికి గురయ్యాయి. ఫలితంగా డాలర్తో పోలిస్తే రూపాయి మారకం విలువ 20 పైసలు పతనం చెంది 96.73 వద్దకు జారుకున్నది.
గడిచిన రెండు నెలల్లో కనిష్ఠ స్థాయికి పడిపోవడం ఇది రెండోసారి కావడం విశేషం. క్రూడాయిల్ ధరలు భగ్గుమనడం రూపాయి పతనానికి ఆజ్యంపోసిందని ఫారెక్స్ ట్రేడర్ వెల్లడించారు. 96.53 వద్ద ప్రారంభమైన డాలర్-రూపీ ఎక్సేంజ్ రేటు 96.45 నుంచి 96.73 స్థాయిలో కదలాడింది. ఈ ఏడాది మే 20న కరెన్సీ రికార్డు స్థాయి 96.86కి పడిపోయిన విషయం తెలిసిందే.
