Hyderabad | హైదరాబాద్‌లో తగ్గిన ఆఫీస్‌ స్పేస్‌ డిమాండ్‌

దేశంలోని 8 ప్రధాన నగరాలవ్యాప్తంగా ఈ ఏడాది జనవరి-మార్చిలో ఆఫీస్‌ స్పేస్‌ లీజింగ్‌ గతంతో పోల్చితే 44 శాతం పెరిగినట్టు తేలింది. వ్యాపార విస్తరణ దిశగా అడుగులు వేస్తున్న కార్పొరేట్లు.. ఆఫీస్‌ స్పేస్‌ను అందిపుచ్చుకుంటున్నారని తమ తాజా నివేదికలో ప్రముఖ రియల్‌ ఎస్టేట్‌ కన్సల్టెంట్‌ కుష్మన్‌ అండ్‌ వేక్‌ఫీల్డ్‌ తెలియజేసింది.

Hyderabad | ముంబై, మార్చి 30: దేశంలోని 8 ప్రధాన నగరాలవ్యాప్తంగా ఈ ఏడాది జనవరి-మార్చిలో ఆఫీస్‌ స్పేస్‌ లీజింగ్‌ గతంతో పోల్చితే 44 శాతం పెరిగినట్టు తేలింది. వ్యాపార విస్తరణ దిశగా అడుగులు వేస్తున్న కార్పొరేట్లు.. ఆఫీస్‌ స్పేస్‌ను అందిపుచ్చుకుంటున్నారని తమ తాజా నివేదికలో ప్రముఖ రియల్‌ ఎస్టేట్‌ కన్సల్టెంట్‌ కుష్మన్‌ అండ్‌ వేక్‌ఫీల్డ్‌ తెలియజేసింది.

ఈ క్రమంలోనే నిరుడు జనవరి-మార్చిలో 80.09 లక్షల చదరపు అడుగుల్లో జరిగిన ఆఫీస్‌ స్పేస్‌ నికర లీజింగ్‌.. ఈ ఏడాది జనవరి-మార్చిలో 115.14 లక్షల చదరపు అడుగులకు ఎగిసిందని వివరించింది. గడిచిన ఐదేండ్లలో ఇది మూడో అత్యంత ఎక్కువ స్థాయి అని కూడా పేర్కొన్నది.

ఇదిలావుంటే బెంగళూరు, ముంబై, ఢిల్లీ-ఎన్‌సీఆర్‌, చెన్నై నగరాల్లో కార్యాలయ స్థలాలకు లీజింగ్‌ పెరుగగా.. పుణె, హైదరాబాద్‌, కోల్‌కతా, అహ్మదాబాద్‌ల్లో తగ్గింది. క్రిందటిసారితో పోల్చితే హైదరాబాద్‌లో ఈసారి 2 శాతం పడిపోయి 16,05,953 లక్షల చదరపు అడుగులకు ఆఫీస్‌ స్పేస్‌ లీజింగ్‌ పరిమితమైంది. నిరుడు జనవరి-మార్చిలో 16,40,242 చదరపు అడుగులుగా ఉన్నది.