Redmi 14R | రెడ్‌మీ నుంచి మార్కెట్లోకి రెడ్‌మీ 14ఆర్.. త్వరలో భారత్‌లో ఆవిష్కరణ.. ఇవీ స్పెషిఫికేషన్స్..!

Redmi 14R | ప్రముఖ స్మార్ట్ ఫోన్ల తయారీ సంస్థ రెడ్‌మీ (Redmi) తన రెడ్‌మీ 14 ఆర్ (Redmi 14R) ఫోన్‌ను చైనా మార్కెట్లో ఆవిష్కరించింది.

Redmi 14R | ప్రముఖ స్మార్ట్ ఫోన్ల తయారీ సంస్థ రెడ్‌మీ (Redmi) తన రెడ్‌మీ 14 ఆర్ (Redmi 14R) ఫోన్‌ను చైనా మార్కెట్లో ఆవిష్కరించింది. 8 జీబీ ర్యామ్ విత్ 256 జీబీ స్టోరేజీతోపాటు స్నాప్ డ్రాగన్ 4 జెన్ 2 ఎస్వోసీ ప్రాసెసర్‌తో వస్తోంది. ఆండ్రాయిడ్ 14 బేస్డ్ షియోమీ హైపర్ ఓఎస్ వర్షన్ పై పని చేస్తుంది. 18వాట్ల చార్జింగ్ మద్దతుతో 5160 ఎంఏహెచ్ కెపాసిటీ గల బ్యాటరీ కలిగి ఉంటుంది. రెడ్‪మీ 13 ఆర్ (Redmi 13R) కొనసాగింపుగా వస్తున్న రెడ్‌మీ 14 ఆర్ 13-మెగా పిక్సెల్ రేర్ కెమెరా, 5-మెగా పిక్సెల్ సెల్ఫీ కెమెరా ఉంటాయి. త్వరలో భారత్ మార్కెట్లోకీ రానున్నది.

రెడ్‌మీ 14 ఆర్ (Redmi 14R) ఫోన్‌ 4జీబీ ర్యామ్ విత్ 128 జీబీ స్టోరేజీ వేరియంట్ సుమారు రూ.13 వేలు (1099 చైనా యువాన్లు), 6 జీబీ ర్యామ్ విత్ 128 జీబీ స్టోరేజీ వేరియంట్ దాదాపు రూ.17,700 (1499 చైనా యువాన్లు), 8 జీబీ ర్యామ్ విత్ 128 జీబీ స్టోరేజీ వేరియంట్ సుమారు రూ.20,100 (1699 చైనా యువాన్లు), 8 జీబీ ర్యామ్ విత్ 256 జీబీ స్టోరేజీ వేరియంట్ దాదాపు రూ.22,500 (1899 చైనా యువాన్లు) పలుకుతుంది. ఈ ఫోన్ డీప్ ఓషన్ బ్లూ, లావెండర్, ఆలీవ్ గ్రీన్, షాడ్ బ్లాక్ కలర్ ఆప్షన్లలో లభిస్తుంది.

రెడ్‌మీ 14 ఆర్ (Redmi 14R) ఫోన్‌ 5జీ, 4జీ ఎల్టీఈ, వై-ఫై, బ్లూటూత్, జీపీఎస్, యూఎస్బీ టైప్ సీ పోర్ట్, 3.5 ఎంఎం హెడ్ ఫోన్ జాక్ కనెక్టివిటీ కలిగి ఉంటుంది. బయో మెట్రిక్ అథంటికేషన్ కోసం సైడ్ మౌంటెడ్ ఫింగర్ ప్రింట్ సెన్సర్ కలిగి ఉంటది. ఈ ఫోన్ 6.68 అంగుళాల హెచ్డీ+ ఎల్‌సీడీ స్క్రీన్ విత్ 120 హెర్ట్జ్ రీఫ్రెష్ రేట్ కలిగి ఉంటుంది. 600 నిట్స్ పీక్ బ్రైట్ నెస్ తో వస్తోంది.