Jan-Dhan Accounts | దేశవ్యాప్తంగా వివిధ బ్యాంకుల్లో జన్ధన్ బ్యాంకులు 50 కోట్ల మార్క్ను దాటాయని కేంద్ర ఆర్థిక మంత్రిత్వశాఖ తెలిపింది. తొమ్మిదేండ్లలోనే ఈ మార్క్ దాటామని వెల్లడించింది. ఈ ఖాతాలతో లబ్ధి పొందిన వారిలో మహిళలు 56 శాతం ఉన్నారని శుక్రవారం ఓ ప్రకటనలో పేర్కొంది. గ్రామీణ, సెమీ అర్బన్ ప్రాంతాల్లో గల 67 శాతం జన్ధన్ ఖాతాల్లో రూ.2.03 లక్షల కోట్లు డిపాజిట్ చేశారని కేంద్రం తెలిపింది. ఋ ఖాతాదారులకు 34 కోట్ల రూపే కార్డులు ఉచితంగా జారీ చేశామని వెల్లడించింది.
ప్రధానమంత్రి జన్ధన్ యోజన కింద ఒక్కో అకౌంట్లో సరాసరి రూ.4,076 క్యాష్ ఉందని తెలిపింది. దాదాపు 5.5 కోట్ల అకౌంట్లు ప్రత్యక్ష నగదు బదిలీ (డీబీటీ) ప్రయోజనాలు పొందుతున్నాయని వివరించింది. 2014 ఆగస్టు 28న ప్రధానమంత్రి నరేంద్రమోదీ.. జన్ధన్ ఖాతాలను ప్రారంభించారు. తొలి ఏడాదిలో 17.90 కోట్ల మంది ఖాతాలు ప్రారంభించారు. ఈ ఖాతాలకు కనీస నగదు నిల్వ నిబంధన వర్తించదు. వీటిపై రూ.2 లక్షల వరకు బీమా వసతి కల్పిస్తుంది కేంద్రం. రూ.10 వేల వరకూ రూ ఓవర్ డ్రాఫ్ట్ సౌకర్యం కూడా ఉంది.