Moto G04s | ప్రముఖ స్మార్ట్ ఫోన్ల తయారీ సంస్థ మోటరోలా తన మోటో గో4ఎస్ (Moto G04s) ఫోన్ ను భారత్ మార్కెట్లో ఈ నెల 30న ఆవిష్కరించనున్నది. ఈ నెల 16న భారత్ మార్కెట్లో ఆవిష్కరించిన మోటో ఎడ్జ్ 50 ఫ్యుజన్ ఫోన్ కొనసాగింపుగా వస్తున్న రెండో స్మార్ట్ఫోన్ ఇది.
యూరప్ మార్కెట్లలో ఆవిష్కరించిన ఫోన్ లో మాదిరిగానే భారత్ మార్కెట్లోనూ హెచ్డీ+ ఎల్సీడీ ప్యానెల్ తో వస్తుందని భావిస్తున్నారు. ఈ ఫోన్ డిస్ ప్లే కార్నింగ్ గొరిల్లా గ్లాస్ 3 ప్రొటెక్షన్ కలిగి ఉంటుంది. యూనిసోక్ టీ606 ఒక్టాకోర్ ప్రాసెసర్ విత్ 4జీబీ ర్యామ్ ఉంటుంది. వర్చువల్ గా ర్యామ్ మరో 4జీబీ పెంచుకోవడంతోపాటు 64 జీబీ ఇన్ బిల్ట్ స్టోరేజీ కెపాసిటీ ఉంటుంది. డోల్బీ ఆట్మోస్ ఆడియో మద్దతుతో వచ్చే ఈ ఫోన్ ఆండ్రాయిడ్ 14 ఓఎస్ వర్షన్ పై పని చేస్తుంది.
మోటో గో4ఎస్ ఫోన్ సింగిల్ 50-మెగా పిక్సెల్ ఏఐ పవర్డ్ రేర్ కెమెరా అండ్ ఎల్ఈడీ ఫ్లాష్ తో వస్తోంది. నైట్ విజన్, పోర్ట్రైట్ మోడ్ కు ఈ ఫీచర్ మద్దతుగా ఉంటుంది. బ్లాక్, బ్లూ, గ్రీన్, ఆరెంజ్ కలర్ ఆప్షన్లలో ఈ ఫోన్ వస్తుంది. 5000 ఎంఏహెచ్ కెపాసిటీ గల బ్యాటరీతో అందుబాటులో ఉంటది. యూరప్ మార్కెట్లో మోటో గో4ఎస్ ఫోన్ 119 యూరోలు ఉంటుంది. భారత్ మార్కెట్లోనూ రూ.10,700లకే లభిస్తుందని భావిస్తున్నారు.