Market Capitalisation | టాప్-10 సంస్థల్లో 9 సంస్థలకు లాభాలు.. రూ.1.80 లక్షల కోట్ల లబ్ధి.. టీసీఎస్‌కు భారీ లబ్ధి.. !

Market Capitalisation | గతవారం స్టాక్ మార్కెట్లలో ట్రేడింగ్ ముగిసిన తర్వాత బీఎస్ఈ-30 ఇండెక్స్ లో టాప్-10 సంస్థల్లో హెచ్ యూఎల్ మినహా అన్ని సంస్థలు రూ.1.80 లక్షల కోట్ల మార్కెట్ క్యాపిటలైజేషన్ పెంచుకున్నాయి.

Market Capitalisation | గతవారం దేశీయ స్టాక్ మార్కెట్లలో ట్రేడింగ్ ముగిసిన తర్వాత టాప్-10 సంస్థల్లో తొమ్మిది సంస్థల మార్కెట్ క్యాపిటలైజేషన్ రూ.1,80,788.99 కోట్లు పెరిగింది. వాటిల్లో టాటా కన్సల్టెన్సీ సర్వీసెస్ (టీసీఎస్) భారీగా లబ్ధి పొందింది. రిలయన్స్, హెచ్డీఎఫ్సీ బ్యాంక్, ఐసీఐసీఐ బ్యాంక్, ఇన్ఫోసిస్, ఐటీసీ, స్టేట్ బ్యాంక్ ఆఫ్ ఇండియా (ఎస్బీఐ), భారతీ ఎయిర్ టెల్, బజాజ్ ఫైనాన్స్ లబ్ధి పొందాయి. మరోవైపు హిందూస్థాన్ యూనీ లివర్ (హెచ్‌యూఎల్) మాత్రమే నష్టపోయింది.

గతవారం ట్రేడింగ్‌లో బీఎస్ఈ ఇండెక్స్ సెన్సెక్స్ 1,239.72 పాయింట్లు (1.86 శాతం) లబ్ధి పొందింది. 30-స్టాక్స్ బీఎస్ఈ ఇండెక్స్ సెన్సెక్స్ శుక్రవారం వరుసగా 11వ రోజూ లాభాల్లో కొనసాగింది. శుక్రవారం ట్రేడింగ్ ముగిసే సమయానికి బీఎస్ఈ ఇండెక్స్ 319.63 పాయింట్ల లబ్ధి (0.47 శాతం) పెరిగి 67,838.63 పాయింట్ల వద్ద ముగిసింది. శుక్రవారం అంతర్గత ట్రేడింగ్‌లో సెన్సెక్స్ 408.23 పాయింట్లు (0.60 శాతం) పుంజుకుని 67,927.23 పాయింట్ల ఆల్ టైం గరిష్ట రికార్డు నమోదు చేసింది.

టీసీఎస్ మార్కెట్ క్యాపిటలైజేషన్ రూ.57,300.75 కోట్లు పుంజుకుని రూ. 13,17,203.61 కోట్ల వద్ద స్థిర పడింది. హెచ్డీఎఫ్సీ బ్యాంక్ ఎం-క్యాప్ రూ. 28,974.82 కోట్లు పెరిగి రూ.12,58,989.87 కోట్ల వద్ద స్థిర పడింది. భారతీ ఎయిర్‌టెల్ ఎం-క్యాప్ రూ. 28,354.73 కోట్లు లాభపడి రూ. 5,23,723.56 కోట్లకు చేరుకున్నది. ఇన్ఫోసిస్ మార్కెట్ క్యాపిటలైజేషన్ రూ.17,680.53 కోట్ల లబ్ధితో రూ. 6,27,637.87 కోట్ల వద్ద నిలిచింది.

ఐసీఐసీఐ బ్యాంక్ మార్కెట్ క్యాపిటలైజేషన్ రూ.15,364.55 కోట్ల లాభంతో రూ. 6,94,844.51 కోట్లకు చేరుకున్నది. భారతీయ స్టేట్ బ్యాంక్ (ఎస్బీఐ) ఎం-క్యాప్ రూ.13,342.3 కోట్ల లాభంతో రూ. 5,34,048.78 కోట్ల వద్ద నిలిచింది. రిలయన్స్ ఎం-క్యాప్ రూ.7,442.79 కోట్లు పెరిగి రూ.16,64,377.02 కోట్ల వద్ద ముగిసింది. ఐటీసీ మార్కెట్ క్యాపిటలైజేషన్ రూ.7,232.74 కోట్లు పుంజుకుని రూ.5,59,165.44 కోట్లకు చేరుకున్నది. బజాజ్ ఫైనాన్స్ ఎం-క్యాప్ రూ.5,095.78 కోట్ల లబ్ధితో రూ.4,54,039.37 కోట్ల వద్ద స్థిర పడింది.

హిందూస్థాన్ యూనీ లివర్ (హెచ్‌యూఎల్) మార్కెట్ క్యాపిటలైజేషన్ రూ.10,514.42 కోట్ల నష్టంతో రూ.5,80,325.55 కోట్లతో సరిపెట్టుకున్నది. గతవారం ట్రేడింగ్ ముగిసిన తర్వాత టాప్-10 సంస్థల్లో రిలయన్స్ ఇండస్ట్రీస్ మొదటి స్థానంలో కొనసాగుతున్నది. తర్వాతీ స్థానాల్లో టీసీఎస్, హెచ్డీఎఫ్సీ బ్యాంక్, ఐసీఐసీఐ బ్యాంక్, ఇన్ఫోసిస్, హిందూస్థాన్ యూనీ లివర్, ఐటీసీ, స్టేట్ బ్యాంక్ ఆఫ్ ఇండియా (ఎస్బీఐ), భారతీ ఎయిర్ టెల్, బజాజ్ ఫైనాన్స్ నిలిచాయి.