ఐస్ప్రౌట్‌ జీసీసీ విస్తరణ

ప్రముఖ వర్క్‌స్పేస్‌ సేవల సంస్థ ఐస్ప్రౌట్‌.. హైదరాబాద్‌లో మరో గ్లోబల్‌ కెపాబిలిటీ సెంటర్‌(జీసీసీ)ని అందుబాటులోకి తీసుకొచ్చింది. 5.6 లక్షల చదరపు అడుగుల విస్తీర్ణంలో ఏర్పాటు చేసిన ఈ సెంటర్‌ను మినాస్‌ టవర్స్‌లో ఏర్పాటు చేసింది.

హైదరాబాద్‌, ఏప్రిల్‌ 1 : ప్రముఖ వర్క్‌స్పేస్‌ సేవల సంస్థ ఐస్ప్రౌట్‌.. హైదరాబాద్‌లో మరో గ్లోబల్‌ కెపాబిలిటీ సెంటర్‌(జీసీసీ)ని అందుబాటులోకి తీసుకొచ్చింది. 5.6 లక్షల చదరపు అడుగుల విస్తీర్ణంలో ఏర్పాటు చేసిన ఈ సెంటర్‌ను మినాస్‌ టవర్స్‌లో ఏర్పాటు చేసింది.

దీంతో సంస్థ హైదరాబాద్‌లో ఆఫీస్‌ స్థలం 17 లక్షల చదరపు అడుగులకు చేరుకున్నట్టు అయిందని కంపెనీ సీఈవో, కో-ఫౌండర్‌ సుందరి పాటిబండ్ల తెలిపారు. మెట్రో నగరాల్లో ఆఫీస్‌ స్థలాలకు పెరుగుతున్న డిమాండ్‌ను దృష్టిలో పెట్టుకొని ఈ విస్తరణకు శ్రీకారం చుట్టినట్టు చెప్పారు. ప్రస్తుతం సంస్థ దేశవ్యాప్తంగా ఎనిమిది నగరాల్లో 26 సెంటర్లు నిర్వహిస్తున్నది.