Hyundai Creta N Line | దేశీయ మార్కెట్లోకి హ్యుండాయ్ క్రెటా ఎన్ లైన్.. రూ.16.82 లక్షల నుంచి ప్రారంభం

Hyundai Creta N Line | దక్షిణ కొరియా ఆటో మేజర్ హ్యుండాయ్ మోటార్ ఇండియా తన ఎస్‌యూవీ క్రెటా ఎన్ లైన్ మోడల్ ను సోమవారం భారత్ మార్కెట్లో ఆవిష్కరించింది.

Hyundai Creta N Line | దక్షిణ కొరియా ఆటో మేజర్ హ్యుండాయ్ మోటార్ ఇండియా తన ఎస్‌యూవీ క్రెటా ఎన్ లైన్ మోడల్ ను సోమవారం భారత్ మార్కెట్లో ఆవిష్కరించింది. ఈ కారు ధర రూ.16.82 లక్షల నుంచి ప్రారంభం అవుతుంది. హ్యుండాయ్ క్రెటా ఎన్ లైన్ కారు వన్ ఇంజిన్, రెండు ట్రాన్స్‌మిషన్ ఆప్షన్లలో లభిస్తుంది. గత నెలలోనే హ్యుండాయ్ క్రెటా ఎన్ లైన్ బుకింగ్స్ ప్రారంభం అయ్యాయి. హ్యుండాయ్ సిగ్నేచర్ డీలర్ షిప్స్, ఆన్ లైన్ ప్లాట్ ఫామ్స్ ద్వారా రూ.25 వేలు టోకెన్ సొమ్ము పే చేసి బుక్ చేసుకోవచ్చు.

హ్యుండాయ్ ఎన్ లైన్ (ఎన్8, ఎన్10) వేరియంట్ కార్లు మాన్యువల్ ట్రాన్స్ మిషన్, ఆటోమేటిక్ ట్రాన్స్ మిషన్ ఆప్షన్లలో లభిస్తాయి. ఎన్8 వేరియంట్ కార్ల ధరలు రూ.16.82 లక్షల నుంచి రూ.18.32 లక్షల (ఎక్స్ షోరూమ్) మధ్య పలుకుతాయి. టాప్ ఎండ్ ఎన్10 వేరియంట్స్ రూ.19.34 లక్షల నుంచి రూ.20.30 లక్షలు (ఎక్స్ షోరూమ్) పలుకుతాయి.

క్రెటా ఎన్ లైన్ కారు ఆరు కలర్లలో లభిస్తుంది. బ్లాక్ రూఫ్ తోపాటు మూడు డ్యుయల్ టోన్ ఎక్స్‌టీరియర్ థీమ్స్ తో వస్తాయి. అట్లాస్ వైట్, అబ్యాస్ బ్లాక్, టైటాన్ గ్రే మ్యాట్టె, థండర్ బ్లూ విత్ అబ్యాస్ బ్లాక్ రూఫ్, షాడో గ్రే విత్ అబ్యాస్ బ్లాక్ రూఫ్, అట్లాస్ వైట్ విత్ అబ్యాస్ బ్లాక్ రూఫ్ ఆప్షన్లలో లభిస్తాయి.

హ్యుండాయ్ ఎన్ లైన్ కారు 1.5 లీటర్ల ఫోర్ సిలిండర్ టర్బో పెట్రోల్ ఇంజిన్ తో వస్తున్నది. స్టాండర్డ్ వర్షన్ కారు ఇంజిన్ 6-స్పీడ్ మాన్యువల్, 7-స్పీడ్ డ్యుయల్ క్లచ్ ట్రాన్స్ మిషన్ ఆప్షన్లతో వస్తుంది. కారు ఇంజిన్ గరిష్టంగా 153 బీహెచ్పీ విద్యుత్, 253 ఎన్ఎం టార్క్ వెలువరిస్తుంది. తొమ్మిది సెకన్లలోనే 100 కి.మీ వేగం అందుకుంటుంది. ఎకో, నార్మల్, స్పోర్ట్ మోడ్స్ తోపాటు మంచు, ఇసుక, బురద (త్రీ ట్రాక్షన్ కంట్రోల్) మోడ్స్ లో లభిస్తాయి.

10.25 అంగుళాల టచ్ స్క్రీన్ డిస్ ప్లే, డిజిటల్ డ్రైవర్ డిస్ ప్లే, వైర్ లెస్ చార్జర్, పనోరమిక్ సన్ రూఫ్, వెంటిలేటెడ్ ఫ్రంట్ సీట్స్, డ్యుయల్ క్లైమేట్ కంట్రోల్, పవర్డ్ డ్రైవర్ సీట్ తదితర ఫీచర్లు ఉంటాయి. సేఫ్టీ కోసం లెవెల్ 2-అడాస్ టెక్నాలజీ, 360-డిగ్రీ కెమెరా, సిక్స్ ఎయిర్ బ్యాగ్స్, ఎలక్ట్రానిక్ స్టెబిలిటీ కంట్రోల్, హిల్ అసిస్ట్ కంట్రోల్ తదితర ఫీచర్లు జత చేశారు.