హైదరాబాద్‌లో ఆఫీస్‌ లీజింగ్‌ జోరు

ఆఫీస్‌ లీజింగ్‌ విభాగంలో హైదరాబాద్‌ దూసుకెళుతున్నది. దేశంలోని ఎనిమిది ప్రధాన నగరాలతో పోటీపడుతూ హైదరాబాద్‌లో లీజింగ్‌ జోరుగా పెరిగినట్టు ప్రముఖ ప్రాపర్టీ కన్సల్టెంట్‌ సీబీఆర్‌ఈ నివేదికలో వెల్లడించింది.

• ఈ ఏడాది తొలి త్రైమాసికంలో 14 లక్షల చ. అడుగుల లీజింగ్‌
• ప్రాపర్టీ కన్సల్టెంట్‌ సీబీఆర్‌ఈ

హైదరాబాద్‌ సిటీబ్యూరో, ఏప్రిల్‌ 5(నమస్తే తెలంగాణ): ఆఫీస్‌ లీజింగ్‌ విభాగంలో హైదరాబాద్‌ దూసుకెళుతున్నది. దేశంలోని ఎనిమిది ప్రధాన నగరాలతో పోటీపడుతూ హైదరాబాద్‌లో లీజింగ్‌ జోరుగా పెరిగినట్టు ప్రముఖ ప్రాపర్టీ కన్సల్టెంట్‌ సీబీఆర్‌ఈ నివేదికలో వెల్లడించింది.

వివరాలు…

• పాన్‌ ఇండియా ప్రాతిపదికన ఈ త్రైమాసికంలో లీజింగ్‌ కార్యకలాపాల్లో 9 శాతం వృద్దిని హైదరాబాద్‌ నమోదు చేసింది.
• సీబీఆర్‌ఈ ఆఫీస్‌ లీజింగ్‌ డాటా ప్రకారం హైదరాబాద్‌ ఈ త్రైమాసికంలో 14 లక్షల చదరపు అడుగులను నమోదు చేసింది.
• ఈ లీజింగ్‌లో ప్రధానంగా బీఎఫ్‌ఎస్‌ఐ (బ్యాంకింగ్‌, ఫైనాన్షియల్‌ సర్వీసెస్‌, ఇన్సూరెన్స్‌)కంపెనీలు 42 శాతం, టెక్నాలజీ కార్పొరేట్లు 28 శాతం, ఫ్లెక్సీబుల్‌ స్పేస్‌ ఆపరేటర్స్‌ 13 శాతం ఒప్పందాలను నమోదు చేశారు.
• అతిపెద్ద బీఎఫ్‌ఎస్‌ఐ సంస్థ 3,40,000 చదరపు అడుగులను లీజుకు తీసుకుంది. ఇంటర్నేషనల్‌ టెక్‌ పార్క్‌ హైదరాబాద్‌ 1,20,000 చదరపు అడుగులను, మైండ్‌ స్పేస్‌ వెస్ట్‌ 97,000 చదరపు అడుగులను లీజుకు తీసుకున్నాయి.