Huawei Nova 11 SE | చైనా స్మార్ట్ ఫోన్ల తయారీ దిగ్గజం హువావే.. భారత్తోపాటు గ్లోబల్ మార్కెట్లలోకి తన హువావే నోవా 11 ఎస్ఈ ఫోన్ ఆవిష్కరించేందుకు ముహూర్తం ఖరారు చేసినట్లు సమాచారం. స్నాప్ డ్రాగన్ 680 ఎల్టీఈ ఎస్వోసీ చిప్సెట్తో వస్తున్న ఈ ఫోన్ శుక్రవారం ఆవిష్కరించే అవకాశాలు ఉన్నాయి. హువావే నోవా 11 ఎస్ఈతోపాటు హువావే నోవా, హువావే నోవా 11 ప్రో, హువావే నోవా 11 ఆల్ట్రా ఫోన్లు కూడా ఆవిష్కరిస్తారు. గత ఏప్రిల్లో హువావే నోవా11 ఎస్ఈ ఆవిష్కరించింది. ఈ ఫోన్ బ్లాక్, గ్రీన్, వైట్ కలర్ ఆప్షన్లలో లభిస్తుందని సమాచారం.
హువావే నోవా 11 ఎస్ఈ ఫోన్ రెండు స్టోరేజీ ఆప్షన్లలో అందుబాటులో ఉంటుంది. 8 జీబీ ర్యామ్ విత్ 256 జీబీ ఇంటర్నల్ స్టోరేజీ వేరియంట్ సుమారు రూ.23 వేలు (1,999 చైనా యువాన్లు), 8 జీబీ ర్యామ్ విత్ 512 జీబీ ఇంటర్నల్ స్టోరేజీ వేరియంట్ దాదాపు రూ.25 వేలకు (2,199 చైనా యువాన్లు) లభిస్తుందని వినికిడి.
స్నాప్డ్రాగన్ 680 ఎల్టీఈ ఎస్వోసీ విత్ 2.4 గిగా హెర్ట్జ్ సీపీయూతో వస్తున్న హువావే నోవా 11 ఎస్ఈ ఫోన్ హార్మోనీ ఓఎస్ 4 వర్షన్పై పని చేస్తుంది. 90 హెర్ట్జ్ రీఫ్రెష్ రేట్, ఫుల్ హెచ్డీ+ రిజొల్యూషన్తోపాటు 6.67- అంగుళాల ఫ్లాట్ ఓలెడ్ ప్యానెల్ డిస్ప్లే కలిగి ఉంటుంది.
హువావే నోవా 11 ఎస్ఈ ఫోన్ ట్రిపుల్ రేర్ కెమెరా సెటప్ కలిగి ఉంటుంది. 108-ఎంపీ సెన్సర్ మెయిన్ కెమెరా, 8-ఎంపీ ఆల్ట్రావైడ్ యాంగిల్ సెన్సర్ కెమెరా, 2-ఎంపీ మాక్రో కెమెరా, సెల్ఫీలూ వీడియో కాల్స్ కోసం 32-ఎంపీ సెన్సర్ కెమెరా ఉంటాయి. 66 వాట్ల ఫాస్ట్ చార్జింగ్ మద్దతుతో 4500 ఎంఏహెచ్ కెపాసిటీతో కూడిన బ్యాటరీ వస్తుంది. బ్లూటూత్ 5.0, యూఎస్బీ టైప్-సీ చార్జింగ్ కనెక్టివిటీ కూడా ఉంటుంది.