Huawei Mate 60 Pro+ |ఐ-ఫోన్‌కు పోటీగా హువావే మేట్ 60ప్రో?..!

Huawei Mate 60 Pro+ | ప్రముఖ చైనా స్మార్ట్ ఫోన్ల తయారీ సంస్థ హువావే.. శుక్రవారం మార్కెట్లోకి హువావే మేట్ 60 ప్రో + ఆవిష్కరించింది.

Huawei Mate 60 Pro+ | చైనా టెక్ దిగ్గజం హువావే.. మార్కె్ట్‌లోకి తన హువావే మేట్ 60ప్రో+ (Huawei Mate 60 Pro+) ను ఆవిష్కరించింది. కొన్ని రోజుల క్రితం హువావే మేట్ 60 (Huawei Mate 60) , హువావే మేట్ 60 ప్రో (Huawei Mate 60 Pro) ఫోన్లను మార్కెట్లో ఆవిష్కరించింది. హువావే మేట్ 60 ప్రో + (Huawei Mate 60 Pro+) ఫోన్ రెండు కలర్ ఆప్షన్లు – బ్లాక్, బీజ్ (ఇంక్ స్టోన్ బ్లాక్, జువాన్ బాయి)ల్లో లభిస్తుంది. చైనా మార్కెట్లో ఆవిష్కరించిన ఈ ఫోన్ భారత్ సహా గ్లోబల్ మార్కెట్లోకి ఎప్పుడు వస్తుందన్న సంగతి వెల్లడించలేదు. రెండు వేరియంట్లలో అందుబాటులో ఉంటుంది.

హువావే మేట్ 60 ప్రో + (Huawei Mate 60 Pro+) 6.82 -అంగుళాల ఎల్పీటీఓ ఓలెడ్ డిస్ ప్లే విత్ 1.5 కే రిజొల్యూసన్, 120 హెర్ట్జ్ రీఫ్రెష్ రేట్ ఉంటుంది. కున్‌లన్ గ్లాస్ ప్రొటెక్షన్ కలిగి ఉంటుంది. హార్మోనీ ఓఎస్ 4.0 వర్షన్‌పై ఈ ఫోన్ పని చేస్తుంది. 16 జీబీ ర్యామ్ విత్ ఒక టిగా బైట్ స్టోరేజీ కెపాసిటీతో వస్తున్నది.

హువావే మేట్ 60 ప్రో+ (Huawei Mate 60 Pro+) ఫోన్ ట్రిపుల్ రేర్ కెమెరా సెటప్‌తో వస్తుంది. 48-మెగా పిక్సెల్ ప్రైమరీ సెన్సర్ విత్ ఆప్టికల్ ఇమేజ్ స్టెబిలైజేషన్ (ఓఐఎస్), 40-మెగా పిక్సెల్ సెన్సర్ విత్ ఆల్ట్రా వైడ్ యాంగిల్ లెన్స్, 48 మెగా పిక్సెల్ ఆల్ట్రా మాక్రో టెలిఫొటో లెన్స్ విత్ ఓఐఎస్ కెమెరా ఉంటాయి. సెల్ఫీలూ, వీడియో కాల్స్ కోసం 13-మెగా పిక్సెల్ సెన్సర్ ఫ్రంట్ కెమెరా లభిస్తుంది.

హువావే మేట్ 60 ప్రో (Huawei Mate 60 Pro+) ఫోన్ 88వాట్ల వైర్డ్ లేదా 50 వాట్ల వైర్ లెస్.. 20 వాట్ల వైర్ లెస్ రివర్స్ ఫాస్ట్ చార్జింగ్ మద్దతుతో 5000 ఎంఏహెచ్ కెపాసిటీ గల బ్యాటరీ కలిగి ఉంటుంది. వై-ఫై, బ్లూ టూత్ 5.2, జీపీఎస్, ఎన్ఎఫ్సీ, 2-శాటిలైట్ కమ్యూనికేషన్, యూఎస్బీ టైప్ -సీ పోర్ట్ కనెక్టివిటీ ఉంటుంది. సెక్యూరిటీ కోసం ఇన్ డిస్ ప్లే ఫింగర్ ప్రింట్ సెన్సర్ కూడా ఉంటుంది. దీని ధర 950 డాలర్లు ఉంటుంది.