డిపాజిట్లపై 7.75 శాతం వడ్డీ

డిపాజిట్లను ఆకట్టుకోవడానికి హెచ్‌డీఎఫ్‌సీ బ్యాంక్‌ ప్రత్యేక డిపాజిట్‌ పథకాలను ప్రవేశపెట్టింది. అధిక వడ్డీరేట్లతో పరిమితకాలానికిగాను ఈ డిపాజిట్‌ పథకాలను తీసుకొచ్చినట్లు వెల్లడించింది.

• ప్రత్యేక స్కీంను విడుదల చేసిన హెచ్‌డీఎఫ్‌సీ బ్యాంక్‌

న్యూఢిల్లీ, మే 29: డిపాజిట్లను ఆకట్టుకోవడానికి హెచ్‌డీఎఫ్‌సీ బ్యాంక్‌ ప్రత్యేక డిపాజిట్‌ పథకాలను ప్రవేశపెట్టింది. అధిక వడ్డీరేట్లతో పరిమితకాలానికిగాను ఈ డిపాజిట్‌ పథకాలను తీసుకొచ్చినట్లు వెల్లడించింది. 35 నెలల స్పెషల్‌ ఎఫ్‌డీ స్కీంపై సాధారణ పౌరులకు 7.2 శాతం, 55 నెలల కాలవ్యవధి కలిగిన ఎఫ్‌డీలపై 7.25 శాతం చొప్పున వడ్డీ చెల్లించనున్నది. అలాగే ఇతర ఫిక్స్‌డ్‌ డిపాజిట్లపై కూడా వడ్డీరేట్లను సైతం సవరించింది. సీనియర్‌ సిటిజన్లకు అదనంగా 50 బేసిస్‌ పాయింట్ల వడ్డీని ఆఫర్‌ చేస్తున్నది.

ఈ డిపాజిట్ల పథకాలు ఇప్పటికే అందుబాటులోకి వచ్చాయి. ప్రస్తుతం బ్యాంక్‌ 7 రోజుల నుంచి 29 రోజుల కాలపరిమితి కలిగిన ఎఫ్‌డీలపై 3 శాతం, 30-45 రోజుల ఎఫ్‌డీలపై 3.50 శాతం, 46 రోజులు-ఆరు నెలలపై 4.50 శాతం ఆఫర్‌ చేస్తున్నది. అలాగే ఆరు నెలల నుంచి తొమ్మిది నెలలోలపు డిపాజిట్లపై 5.75 శాతం వడ్డీని ఆఫర్‌ చేస్తున్న బ్యాంక్‌..అలాగే తొమ్మిది నెలల నుంచి ఏడాది లోపు ఎఫ్‌డీలపై 6 శాతం వడ్డీని ఆఫర్‌ చేస్తున్నది. ఏడాది నుంచి 15 నెలల లోపు ఎఫ్‌డీలపై 6.60 శాతం, 15 నెలల నుంచి 18 నెలలోపు ఎఫ్‌డీలపై 7.10 శాతం వడ్డీని చెల్లించనున్నది బ్యాంక్‌. 18 నెలల నుంచి 2 ఏండ్లలోపు డిపాజిట్లపై 7 శాతం వడ్డీని చెల్లించనున్నది.