న్యూఢిల్లీ : సంక్లిష్ట గణిత సమస్యలను ఇట్టే చక్కదిద్దే ఆర్టిఫిషియల్ ఇంటెలిజెన్స్ (AI) మోడల్ ఫన్సెర్చ్ను (Google FunSearch) గూగుల్ డీప్మైండ్ పరిశోధకులు క్రియేట్ చేశారు. క్లిష్టమైన గణిత సమస్యలను గూగుల్ ఫన్సెర్చ్ ఏఐ మోడల్ సులభంగా పరిష్కరిస్తుందని చెబుతున్నారు. ఇప్పటివరకూ పరిష్కరించలేనివిగా భావించిన క్లిష్టమైన గణిత సమస్యలను పరిష్కరించగల సామర్థ్యం కోసం మొదటిసారిగా విస్తృత భాష నమూనా (LLM)ని ఉపయోగించడానికి ఈ ఆవిష్కరణ బాటలు వేస్తుందని నేచర్ జర్నల్లో ప్రచురితమైన పత్రం పేర్కొంది.
ఎల్ఎల్ఎంలు కేవలం ఊహాత్మక కంటెంట్ను జనరేట్ చేస్తాయనే సంప్రదాయ ఉద్దేశాలను చెరిపేస్తూ సరైన దిశలో మార్గనిర్దేశం చేసి, సరైన దృక్పదంతో ముందుకెళితే ఎల్ఎల్ఎంలు ఆవిష్కరణలకూ తెరతీస్తాయని తెలిపింది. ఆర్టిఫిషియల్ ఇంటెలిజెన్స్ ఉపయోగించి ప్రాథమిక గణితం, కంప్యూటర్ సైన్స్లో డీప్మైండ్ సాధించిన విజయాల పరంపరను ఫన్సెర్చ్ కొనసాగిస్తుంది.
గణితంలో సంక్లిష్ట సమస్యలను ఫన్సెర్చ్ పరిష్కరించే క్రమంలో గూగుల్ డీప్మైండ్ రీసెర్చ్ వైస్ ప్రెసిఎంట్ పుష్మీత్ కోహ్లీ సారధ్యంలోని పరిశోధక బృందం ట్రయల్ అండ్ ఎర్రర్ మెథడాలజీని ఎంచుకుంది. క్లిష్టమైన సమస్యలను సమర్ధవంతంగా పరిష్కరించడానికి ఏఐ సామర్థ్యాలను ఉపయోగించడంలో ఫన్సెర్చ్ విజయం ఓ కీలక ముందడుగా చెబుతున్నారు.
Read More :
Brazilian Singer | లైవ్ ప్రదర్శన ఇస్తూ.. స్టేజ్పై కుప్పకూలి ప్రాణాలు కోల్పోయిన ప్రముఖ సింగర్