Renault Discounts | ప్రస్తుతం నడుస్తున్న పండుగల సీజన్ నేపథ్యంలో ప్రముఖ కార్ల తయారీ సంస్థ రెనాల్డ్ కొత్త కార్ల కొనుగోలుపై తన కస్టమర్లకు రూ.50 వేల వరకు డిస్కౌంట్లు అందిస్తుంది. క్విడ్ హ్యాచ్బ్యాక్, ట్రైబర్ మల్టీ పర్పస్ వెహికల్ (ఎంపీఎస్), కైగర్ కంపాక్ట్ ఎస్యూవీ కార్లపై ఈ నెలలో డిస్కౌంట్లు అందుబాటులోకి తెచ్చింది. క్యాష్ డిస్కౌంట్లు, ఎక్స్చేంజ్ బోనస్లు, కార్పొరేట్ డిస్కౌంట్లతోపాటు ఈజీ కేర్ మెయింటెనెన్స్ ప్యాకేజీపై 10 శాతం డిస్కౌంట్ అందిస్తున్నది, రూ.10 వేల విలువైన స్క్రాపేజీ స్కీమ్ బెనిఫిట్లు పొందొచ్చు. ఆయా కార్లపై రెనాల్ట్ డిస్కౌంట్లు ఇలా..
4-మీటర్స్ సబ్ మల్టీ పర్పస్ వెహికల్స్ (ఎంపీవీ) ట్రైబర్ కారుపై మొత్తం రూ.50 వేల డిస్కౌంట్ అందిస్తున్నది. సెవెన్ సీటర్ కెపాసిటీ గల ట్రైబర్ 72 హెచ్పీ విద్యుత్ సామర్థ్యం కలిగి ఉంది. 1.0 లీటర్ల పెట్రోల్ ఇంజిన్, 5-స్పీడ్ మాన్యువల్ లేదా ఆటోమేటిక్ ట్రాన్స్మిషన్ ఆప్షన్ కలిగి ఉంటుంది.
రెనాల్ట్ ట్రైబర్పై క్యాష్ డిస్కౌంట్లు రూ.15 వేలు, ఎక్స్చేంజ్ బోనస్ బెనిఫిట్లు రూ.25 వేలు, కార్పొరేట్ డిస్కౌంట్లు రూ.10 వేలు అందిస్తున్నది. ట్రైబర్ లిమిటెడ్ ఎడిషన్ కారులో అదనపు ఫీచర్లు వస్తాయి. ట్రైబర్ లిమిటెడ్ ఎడిషన్ కారుపై రూ.45 వేల వరకు రాయితీ లభిస్తుంది. క్యాష్ డిస్కౌంట్స్ పేర రూ.10వేలు, ఎక్స్చేంజ్ బోనస్లుగా రూ.25 వేలు, కార్పొరేట్ డిస్కౌంట్ రూ.10 వేలు అందిస్తున్నది.
2019లో వచ్చిన క్విడ్ ఫేస్లిఫ్ట్ రెండు పవర్ ట్రైన్ ఆప్షన్లలో అందుబాటులో ఉంది. దీనిపై గరిష్టంగా రూ.35 వేల డిస్కౌంట్లు లభిస్తాయి. క్యాష్ బెనిఫిట్ రూపేణా రూ.10వేలు, ఎక్స్చేంజ్ బెనిఫిట్ రూపంలో రూ.15,000, కార్పొరేట్ డిస్కౌంట్గా రూ.10 వేలు లభిస్తుంది.0.8 లీటర్ల వర్షన్ కారుపై ఎక్స్చేంజ్ బెనిఫిట్ రూ.10 వేలు మాత్రమే లభిస్తుంది. 1.0 లీటర్ల సామర్థ్యం గల ఇంజిన్ 5-స్పీడ్ మాన్యువల్, ఎఏంటీ ట్రాన్స్మిషన్ కెపాసిటీ కలిగి ఉంటుంది. 0.8 లీటర్ల సామర్థ్యం గల ఇంజిన్తో కూడిన వేరియంట్ కారులో 54 హెచ్పీ ఇంధన సామర్థ్యం, 5-స్పీడ్ మాన్యువల్ లేదా ఏఎంటీ ట్రాన్స్మిషన్ ఆప్షన్తో రూపుదిద్దుకున్నది.
రెనాల్ట్ కైగర్పై అతి తక్కువగా డిస్కౌంట్ లభిస్తున్నది. అప్డేటెడ్ కంపాక్ట్ ఎస్యూవీ కారు ఈ ఏడాది మార్చిలో మార్కెట్లోకి వచ్చింది. 100 హెచ్పీతోపాటు 1.0 లీటర్ల టర్బో- పెట్రోల్, 72 హెచ్పీ విత్ 1.0 లీటర్ల పెట్రోల్ ఇంజిన్ ఆప్షన్లతో వచ్చింది. జూలైలో అప్డేటెడ్ కైగర్ 50 వేల యూనిట్ ఉత్పత్తి చేశారు. దీనిపై గరిష్ఠంగా రూ.10 వేల వరకు కార్పొరేట్ డిస్కౌంట్ పొందొచ్చు.