కీలక రంగాల్లో నిస్తేజం

కీలక రంగాల్లో నిస్తేజం నెలకొన్నది. బొగ్గు, సహజ వాయు వు, క్రూడాయిల్‌, ఎరువుల విభాగాల్లో నెలకొన్న నిస్తేజం కారణంగా ఆగస్టు నెలకుగాను కీలక రంగాల్లో వృద్ధి మూడు నెలల కనిష్ఠ స్థాయికి పడిపోయిందని కేంద్ర ప్రభుత్వం తాజాగా విడుదల చేసిన నివేదికలో వెల్లడించింది. గత నెలకుగాను 4.8 శాతంగా నమోదైంది. అంతక్రితం ఏడాది ఇదే నెలలో నమోదైన 6.2 శాతంతో పోలిస్తే భారీగా పడిపోగా, జూలై నెలలో నమోదైన 5 శాతం తర్వాత ఇదే కనిష్ఠ స్థాయి కావడం విశేషం.

• మూడు నెలల కనిష్ఠానికి పడిపోయిన వృద్ధి
• ఆగస్టు నెలలో 4.8 శాతానికి పరిమితం

న్యూఢిల్లీ, సెప్టెంబర్‌ 21: కీలక రంగాల్లో నిస్తేజం నెలకొన్నది. బొగ్గు, సహజ వాయు వు, క్రూడాయిల్‌, ఎరువుల విభాగాల్లో నెలకొన్న నిస్తేజం కారణంగా ఆగస్టు నెలకుగాను కీలక రంగాల్లో వృద్ధి మూడు నెలల కనిష్ఠ స్థాయికి పడిపోయిందని కేంద్ర ప్రభుత్వం తాజాగా విడుదల చేసిన నివేదికలో వెల్లడించింది. గత నెలకుగాను 4.8 శాతంగా నమోదైంది. అంతక్రితం ఏడాది ఇదే నెలలో నమోదైన 6.2 శాతంతో పోలిస్తే భారీగా పడిపోగా, జూలై నెలలో నమోదైన 5 శాతం తర్వాత ఇదే కనిష్ఠ స్థాయి కావడం విశేషం.

మే నెలలో నమోదైన 3.2 శాతం కంటే అధికం. గత నెలలో బొగ్గు ఉత్పత్తి 3.8 శాతానికి పడిపోగా, అలాగే సహజ వాయువు 4.9 శాతం, క్రూడాయిల్‌ 3.6 శాతం, ఎరువులు 12.4 శాతానికి పడిపోయాయి. అలాగే రిఫైనరీ ఉత్పత్తులు 2.6 శాతం, స్టీల్‌ 3.4 శాతం, ఖనిజం ఉత్పత్తిలో వృద్ధి 5.5 శాతానికి పడిపోయాయి. అంతక్రితం ఏడాది ఇదే నెలలో వరుసగా 3.4 శాతంగాను, 15.3 శాతం, 7.9 శాతంగా నమోదయ్యాయి. కానీ, గత నెలకుగాను సిమెంట్‌ రంగం 12.5 శాతం వృద్ధిని నమోదుచేసుకోగా, విద్యుత్‌ రంగం 11.6 శాతం వృద్ధి నమోదైంది.

మరోవైపు, ప్రస్తుత ఆర్థిక సంవత్సరం ఏప్రిల్‌ నుంచి ఆగస్టు మధ్యకాలంలో కీలక రంగాలు 4.3 శాతం వృద్ధిని కనబరిచాయి. 2025-26 ఆర్థిక సంవత్సరం ఇదే కాలానికిగాను 2.4 శాతంగా నమోదైంది. ఈ సందర్భంగా ఇక్రా లిమిటెడ్‌ ప్రధాన ఆర్థికవేత్త రాహుల్‌ అగర్వాల్‌ మాట్లాడుతూ..గత నెలలో వార్షిక ప్రతిపాదికన కీలక రంగాల్లో వృద్ధి నెమ్మదించిందని, ప్రధానంగా తొమ్మిది రంగాల్లో ఆరు రంగాల పనితీరు క్షీణించిందని చెప్పారు. గనులకు సంబంధించిన బొగ్గు, ఖనిజ ఉత్పత్తి రంగాలు మెరుగైన పనితీరు కనబర్చడం వల్లనే ఈ మాత్రమైన వృద్ధిని సాధించిందని తెలిపారు. పశ్చిమాసియాలో నెలకొన్న ఉద్రిక్త పరిస్థితుల కారణంగా దేశీయంగా ఎరువుల ఉత్పత్తి గణనీయంగా పడిపోయిందని చెప్పారు.