బొండాడ లాభాల్లో వృద్ధి

బొండాడ ఇంజినీరింగ్‌ లిమిటెడ్‌ ప్రోత్సాహకర ఆర్థిక ఫలితాలను ప్రకటించింది. ప్రస్తుత ఆర్థిక సంవత్సరం రెండో త్రైమాసికానికిగాను రూ.723.71 కోట్ల ఆదాయంపై రూ.57.46 కోట్ల పన్నులు చెల్లించిన తర్వాత నికర లాభాన్ని ఆర్జించింది.

హైదరాబాద్‌, నవంబర్‌ 12: బొండాడ ఇంజినీరింగ్‌ లిమిటెడ్‌ ప్రోత్సాహకర ఆర్థిక ఫలితాలను ప్రకటించింది. ప్రస్తుత ఆర్థిక సంవత్సరం రెండో త్రైమాసికానికిగాను రూ.723.71 కోట్ల ఆదాయంపై రూ.57.46 కోట్ల పన్నులు చెల్లించిన తర్వాత నికర లాభాన్ని ఆర్జించింది. ఆదాయం, నికర లాభాల్లో 10 శాతం వరకు వృద్ధి నమోదైందని.

ఈ సందర్భంగా కంపెనీ సీఎండీ బొండాడ రాఘవేంద్ర రావు మాట్లాడుతూ..గత త్రైమాసికంలో ఆశాజనక పనితీరు కనబరిచినట్టు, కీలకమైన మౌలిక సదుపాయాలకు విస్తరించడం కలిసొచ్చిందన్నారు. పునరుత్పాదక విద్యుత్‌, మౌలిక సదుపాయాల రంగాలు అంచనాలకు మించి వృద్ధిని నమోదు చేసుకోవడంతో వాటాదారులకు అత్యధిక లాభాలను పంచగలిగామన్నారు. మరోవైపు, ఏప్రిల్‌ నుంచి సెప్టెంబర్‌ మధ్యకాలానికిగాను రూ.1,415.36 కోట్ల ఆదాయంపై రూ.111.40 కోట్ల నికర లాభాన్ని గడించింది.