Visit:
న్యూఢిల్లీ, ఫిబ్రవరి 9: ప్రభుత్వరంగ బ్యాంకింగ్ దిగ్గజాల్లో ఒకటైన బ్యాంక్ ఆఫ్ బరోడా(బీవోబీ) కార్ల రుణాలపై వడ్డీరేటును 30 బేసిస్ పాయింట్లు తగ్గించింది. దీంతో కార్ల రుణాలపై వడ్డీరేటు 7.60 శాతానికి దిగొచ్చింది. సిబిల్ స్కోర్ అధికంగా ఉన్న వారికి మాత్రమే ఈ వడ్డీరేటు వర్తించనున్నదని పేర్కొంది. నూతన కార్ల కొనుగోలుదారులను ఆకట్టుకోవాలనే ఉద్దేశంతో బ్యాంక్ ఈ నిర్ణయం తీసుకున్నది.
అలాగే ఫిక్స్డ్ 8.5 శాతం ప్రారంభంతో వార్షిక వడ్డీరేటును కూడా ఆఫర్ చేస్తున్నది. తగ్గించిన వడ్డీరేటుతోపాటు వ్యక్తిగత రుణగ్రహీతలకు ఫ్లోటింగ్ రేట్ కార్ లోన్లపై ముందస్తు చెల్లింపు లేదా పాక్షిక చెల్లింపులకు ఎలాంటి చార్జీలు ఉండవని బ్యాంక్ పేర్కొంది. రుణాలు తీసుకున్న వ్యక్తులు 84 నెలల వరకు ఎప్పుడైనా తిరిగి చెల్లింపులు జరుపుకొనే అవకాశం కల్పించింది.
