భెల్‌కు 3,500 కోట్ల ఆర్డర్‌

ప్రభుత్వరంగ విద్యుత్‌ పరికరాల తయారీ సంస్థ భెల్‌..అదానీ పవర్‌ లిమిటెడ్‌ నుంచి రూ.3,500 కోట్ల విలువైన ఆర్డర్‌ లభించింది.

న్యూఢిల్లీ, జూన్‌ 5: ప్రభుత్వరంగ విద్యుత్‌ పరికరాల తయారీ సంస్థ భెల్‌..అదానీ పవర్‌ లిమిటెడ్‌ నుంచి రూ.3,500 కోట్ల విలువైన ఆర్డర్‌ లభించింది. ఛత్తీస్‌గఢ్‌లోని రాయిపూర్‌ వద్ద అదానీ గ్రూపు నిర్మించతలపెట్టిన రెండు 800 మెగావాట్ల థర్మల్‌ పవర్‌ ప్రాజెక్టు నుంచి ఈ ఆర్డర్‌ లభించినట్లు సంస్థ బీఎస్‌ఈకి సమాచారం అందించింది. ఈ ఆర్డర్‌లో భాగంగా బాయిలర్లు, టర్బైన్లు, జనరేటర్లు సరఫరా చేయాల్సివుంటుందని తెలిపింది. బాయిలర్లు, టర్బైన్‌ జనరేటర్లను త్రిచి, హరిద్వార్‌ ప్లాంట్లలో భెల్‌ తయారు చేస్తున్నది.