Audi Q5 Facelift | దేశీయ విప‌ణిలోకి ఆడి క్యూ5 ఫేస్‌లిఫ్ట్‌.. ధ‌రెంతో తెలుసా?!

Audi Q5 Facelift | దేశీయ విప‌ణిలోకి ఆడి క్యూ5 ఫేస్‌లిఫ్ట్ మోడ‌ల్ కారును ఆవిష్క‌రించింది. ఈ కారు రూ.58.93 ల‌క్ష‌ల నుంచి ల‌భిస్తుంది.

Audi Q5 Facelift | జర్మనీ ల‌గ్జ‌రీ కార్ల తయారీ సంస్థ ఆడి తాజాగా విప‌ణిలోకి మ‌రో మోడ‌ల్ కారును తీసుకొచ్చింది. ఐదు సీట్ల ఎస్‌యూవీ క్యూ5లో ఫేస్‌లిఫ్ట్‌ వర్షన్‌ను మంగళవారం విడుదల చేసింది. ఆడి ఎస్‌యూవీ క్యూ5 ఫేస్‌లిఫ్ట్ వ‌ర్ష‌న్.. టెక్నాలజీ, ప్రీమియం ప్లస్‌ అనే రెండు వేరియంట్ల‌లో ల‌భిస్తుంది. ఈ కారు రూ.58.93-63.77 లక్షల మ‌ధ్య వినియోగ‌దారుల‌కు ల‌భిస్తుంది. ఈ ఏడాదిలోనే దేశీయ విప‌ణిలో ఆడి విడుద‌ల చేసిన కార్ల‌లో ఇది తొమ్మిద‌వ‌ది.

ఆడి ఎస్‌యూవీ క్యూ5 ఫేస్‌లిఫ్ట్ వ‌ర్ష‌న్ కారును ఔరంగాబాద్‌లోని స్కోడా ఆటో ఫోక్స్ వ్యాగ‌న్ మాన్యుఫాక్చ‌రింగ్ యూనిట్‌లో త‌యారు చేశారు. దీని ఇంజిన్ సామ‌ర్థ్యం 2.0 లీట‌ర్లు. విస్తృత ఇన్‌ఫోటైన్‌మెంట్ ఆప్ష‌న్లు, అసిస్టెంట్ ఫీచ‌ర్లు ఈ కారులో ఉన్నాయి. పార్కింగ్ అసిస్టెన్స్‌, కంఫ‌ర్ట్ కీ, వ‌ర్చువ‌ల్ కాక్‌పిట్ ప్ల‌స్‌, 19 స్పీక‌ర్ బీ అండ్ ఓ ప్రీమియం, 3డీ సౌండ్ సిస్టం త‌దిత‌ర మోడ్ర‌న్ ఫీచ‌ర్లు ఇందులో ఉన్నాయి.

ఎనిమిది ఎయిర్‌బ్యాగ్‌లు, ఎంఎంఐ ట‌చ్‌, ఎంఎంఐ నావిగేష‌న్ ప్ల‌స్‌, ఆడి స్మార్ట్‌ఫోన్ ఇంట‌ర్‌ఫేస్‌, ఆడి ఫోన్ బాక్స్ విత్ వైర్‌లెస్ చార్జింగ్ త‌దిత‌ర ఫీచ‌ర్లు కూడా ఉన్నాయి. మెర్సిడెస్‌ బెంజ్‌ జీఎల్‌సీ క్లాస్‌, బీఎండబ్ల్యూ ఎక్స్‌3, ల్యాండ్‌ రోవర్‌ డిస్కవరీ స్పోర్ట్ కార్ల‌తో ఇది పోటీ పడనుంది.