ఓలా స్కూటర్లపై 15 వేల రాయితీలు

ప్రముఖ ఈవీ స్కూటర్ల సంస్థ ఓలా మరోసారి భారీగా డిస్కౌంట్‌ ప్రకటించింది. ఎస్‌1 స్కూటర్‌పై రూ.15 వేల వరకు ఆర్థిక ప్రయోజనాలు కల్పిస్తున్నట్లు వెల్లడించింది.

బెంగళూరు, జూన్‌ 22: ప్రముఖ ఈవీ స్కూటర్ల సంస్థ ఓలా మరోసారి భారీగా డిస్కౌంట్‌ ప్రకటించింది. ఎస్‌1 స్కూటర్‌పై రూ.15 వేల వరకు ఆర్థిక ప్రయోజనాలు కల్పిస్తున్నట్లు వెల్లడించింది. ఈ నెల 26 వరకు మాత్రమే ఈ ప్రత్యేక ఆఫర్లు అందుబాటులో ఉండనున్నాయని, ఈ ఆఫర్ల కింద రూ.5 వేల వరకు క్యాష్‌బ్యాక్‌, మరో రూ.5 వేలు ఎక్సేంజ్‌ బోనస్‌(కేవలం క్రెడిట్‌ కార్డు ఈఎంఐలపై) కింద అందిస్తున్నట్లు తెలిపింది. అలాగే ఎస్‌1 ప్రొ, ఎస్‌1 ఎయిర్‌పై రూ.2,999 విలువైన ఓలా కేర్‌+ సబ్‌స్క్రిప్షన్‌ను ఉచితంగా అందిస్తున్నది. దీంతో ఎస్‌1 ఎక్స్‌+ మాడల్‌ ధర రూ.89,999కి తగ్గనుండగా, ఎస్‌1 ప్రొ ధర రూ.1,29,999కి, ఎస్‌1 ఎయిర్‌ ధర రూ.1,04,999కి తగ్గాయి.