Apple Cider Vinegar Benefits | చర్మ, కేశ సౌందర్య చిట్కాల్లో యాపిల్ సైడర్ వెనిగర్ పేరు బాగా వినిపిస్తూ ఉంటుంది. దీన్ని ఆహారంలోనూ భాగం చేసుకోవడం ద్వారా రకరకాల ఆరోగ్య సమస్యల నుంచి బయటపడవచ్చని అంటున్నారు నిపుణులు. జీర్ణ వ్యవస్థను మెరుగు పరచి, బరువు తగ్గేందుకూ సాయపడుతుంది.
› యాపిల్ జ్యూస్కు ఈస్ట్ కలిపి పులియబెట్టిందే యాపిల్ సైడర్ వెనిగర్. జీర్ణాశయ సమస్యల నుంచి ఉపశమనం లభించాలంటే ఒక పెద్ద గ్లాసు నీళ్లలో ఒకటి రెండు స్పూన్ల యాపిల్ సైడర్ వెనిగర్ని కలిపి తాగాలి. పులి తేన్పులు, ఫుడ్ పాయిజనింగ్, మలబద్ధకం లాంటి సమస్యలను తగ్గించేందుకూ సహకరిస్తుంది.
› ఇందులో యాంటీ బ్యాక్టీరియల్ గుణాలు అధికం. వ్యాధికారక సూక్ష్మ క్రిములను చంపుతుంది. అందుకే పులిపిర్ల చికిత్సలో వాడుతారు. ఆహార పదార్థాలకు ఈ వెనిగర్ కలిపితే..
బ్యాక్టీరియా అభివృద్ధిని మందగింపజేసి ఎక్కువకాలం నిల్వ ఉండేలా చేస్తుంది.
› యాపిల్ సైడర్ వెనిగర్ను తీసుకుంటే చాలా సేపటి వరకూ పొట్ట నిండుగా ఉన్న అనుభూతి కలుగుతుంది. దీంతో తక్కువగా తింటాం. అలా బరువు తగ్గేందుకూ సహకరిస్తుంది.
› టైప్-2 మధుమేహ చికిత్సలో బాగా పనిచేస్తుంది. రక్తంలోని చక్కెర శాతాన్ని అదుపులో ఉంచుతుంది. ఇన్సులిన్ స్థాయులను నియంత్రణలో ఉంచేందుకు కూడా సాయ
పడుతుంది.
› పొడిబారిన చర్మాన్ని తేజోమంతం చేసేందుకు యాపిల్ సైడర్ వెనిగర్ తోడ్పడుతుంది. ఎగ్జిమా లాంటి చర్మ సమస్యలను నివారించడంలోనూ ఉపయోగపడుతుంది.
“popcorn | పాప్కార్న్ తింటున్నారా? ఎలాంటి ప్రయోజనాలు దక్కుతాయో తెలుసుకోండి..!”