తాడేపల్లిలో వైసీపీ కార్యాలయం కూల్చివేత

ఏపీలోని గుంటూరు జిల్లా తాడేపల్లి మండలం సీతానగరంలో నిర్మాణంలో ఉన్న వైసీపీ కేంద్ర కార్యాలయాన్ని శనివారం అధికారులు కూల్చివేశారు.

హైదరాబాద్‌, జూన్‌ 22 (నమస్తే తెలంగాణ): ఏపీలోని గుంటూరు జిల్లా తాడేపల్లి మండలం సీతానగరంలో నిర్మాణంలో ఉన్న వైసీపీ కేంద్ర కార్యాలయాన్ని శనివారం అధికారులు కూల్చివేశారు. నీటిపారుదలశాఖకు చెందిన స్థలంలో పార్టీ కార్యాలయాన్ని నిర్మిస్తునందున కూల్చివేస్తున్నట్టు అధికారులు వివరించారు.

కూల్చివేతలపై వైసీపీ అధినేత, మాజీ సీఎం వైఎస్‌ జగన్‌ స్పందించారు. రాజకీయ కక్షసాధింపు చర్యలకు దిగిన చంద్రబాబు.. తాడేపల్లిలో వైసీపీ కేంద్ర కార్యాలయాన్ని బుల్డోజర్లతో కూల్చివేయించారని ఆరోపించారు. హైకోర్టు ఆదేశాలను సైతం పట్టించుకోలేదని ఫైరయ్యారు.