YCP MLA | టీడీపీలో చేరిన వైసీపీ ఎమ్మెల్యే పార్థసారథి

YCP MLA | ఆంధ్రప్రదేశ్‌కు చెందిన కృష్ణా జిల్లా పెనుమలూరు వైసీపీ ఎమ్మెల్యే కొలసు పార్థసారథిటీడీపీకండువా కప్పుకున్నారు.

అమరావతి : ఆంధ్రప్రదేశ్‌కు చెందిన కృష్ణా జిల్లా పెనుమలూరు వైసీపీ ఎమ్మెల్యే (YCP MLA) కొలసు పార్థసారథి(Parthasarathy) టీడీపీ(TDP) కండువా కప్పుకున్నారు. టీడీపీ జాతీయ ప్రధానకార్యదర్శి నారా లోకేశ్‌ సమక్షంలో టీడీపీలో చేరారు. ఈ సందర్భంగా టీడీపీ అధ్యక్షుడు అధ్యక్షుడు చంద్రబాబు ఆశీర్వాదం తీసుకున్నారు. ఆయన మాట్లాడుతూ వైసీపీ విధానాలు, ముఖ్యమంత్రి వైఎస్‌ జగన్‌(CM Jagan) ఒంటెద్దు పోకడలకు రాష్ట్రానికి భవిష్యత్తు ఉండదని గ్రహించి పార్టీని వీడానని వెల్లడించారు.

చంద్రబాబు విజన్‌ భావి తరాలకు ఎంతో అవసరమని అన్నారు. బీసీ, ఎస్సీ, ఎస్టీలకు వైసీపీలో ఏమాత్రం ప్రాధాన్యం లేదని ఆరోపించారు. బలహీన వర్గాలకు వైసీపీలో అన్నీ అవమానాలేనని ఆరోపించారు. ఎవరి పెత్తనంపైనో ఆధారపడాల్సి వస్తే ఆత్మాభిమానం మాత్రం చంపుకోరని వెల్లడించారు. నూజివీడులో అందరినీ కలుపుకొని పోతూ టీడీపీ జెండా ఎగురవేస్తానని అన్నారు. 2004,2009,2019లో ఎమ్మెల్యేగా పెనుమలూరు నుంచి పోటీ చేసి గెలుపొందారు. ఉమ్మడి ఆంధ్రప్రదేశ్‌లో కాంగ్రెస్‌ హయాంలో మంత్రిగా పనిచేశారు.