Vice President | ఏపీలో 26,27వ తేదీల్లో ఉప రాష్ట్రపతి పర్యటన

Vice President | భారత ఉపరాష్ట్రపతి రాధాకృష్ణన్ ఆంధ్ర ప్రదేశ్ లో రెండు రోజులపాటు పర్యటించనున్నారు.

అమరావతి : భారత ఉపరాష్ట్రపతి ( Vice President ) రాధాకృష్ణన్ (Radha Krishnan )
ఆంధ్ర ప్రదేశ్ లో రెండు రోజులపాటు పర్యటించనున్నారు. ఈనెల 26, 27వ తేదీల్లో విజయవాడ తిరుపతి జిల్లాల్లో ఆయన పర్యటించనున్నారు ఈనెల 26న ఉదయం ప్రత్యేక విమానంలో విజయవాడ విమానాశ్రయం చేరుకొని అక్కడి నుంచి అంబేద్కర్ స్మృతి  వనానికి వెళ్లనున్నారు .

అంబేద్కర్ కళావేదిక లో జరగనున్న డాక్టర్ ఎన్టీఆర్ ఆరోగ్య విజ్ఞాన విశ్వవిద్యాలయంలో 40 ఏళ్ల రూబీ జూబ్లీ వేడుకల్లో భారత ఉపరాష్ట్రపతి ముఖ్య అతిథిగా పాల్గొననున్నారు .మధ్యాహ్నం తిరుపతికి చేరుకొని తిరుమల శ్రీ వేంకటేశ్వర స్వామిని దర్శించుకుంటారు. రాత్రి తిరుపతిలో బస అనంతరం 27న ఉదయం పద్మావతి అమ్మవారి ఆలయాన్ని దర్శించుకొని తిరుపతి విమానాశ్రయం నుంచి తిరిగి  బయలుదేరుతారని ఏపీ అధికారులు వెల్లడించారు.