Tirupati | తిరుపతిలో వైభవంగా కొనసాగుతున్న తెప్పోత్సవం

Tirupati | తిరుపతిలోని శ్రీ కపిలేశ్వరస్వామివారి తెప్పోత్సవాల్లో (Teppotsavam) భాగంగా రెండో రోజు స్వామివారు శనివారం శ్రీ సుబ్రమణ్య స్వామి అవతారంలో భక్తులకు దర్శనమిచ్చారు.

తిరుపతి : తిరుపతిలోని శ్రీ కపిలేశ్వరస్వామివారి తెప్పోత్సవాల్లో (Teppotsavam) భాగంగా రెండో రోజు స్వామివారు శనివారం శ్రీ సుబ్రమణ్య స్వామి అవతారంలో భక్తులకు దర్శనమిచ్చారు. సాయంత్రం 6.30 నుంచి రాత్రి 8 గంటల వరకు నిర్వహించిన తెప్పోత్సవం కన్నులపండువగా జరిగింది. విద్యుద్దీపాలతో అందంగా అలంకరించిన తెప్పపై ఆశీనులైన శ్రీ సుబ్రమణ్యస్వామి పుష్కరిణిలో ఐదు చుట్లు తిరిగారు. పెద్ద ఎత్తున హాజరైన భక్తులు స్వామివారికి కర్పూర నీరాజనాలు అందించారు.

ఈ సందర్భంగా టీటీడీ అన్నమాచార్య ప్రాజెక్టు కళాకారులు భక్తి సంకీర్తనలు ఆలపించారు. ఈ కార్యక్రమంలో ఆలయ డిప్యూటీ ఈవో దేవేంద్ర బాబు, ఏఈవో సుబ్బరాజు, సూపరింటెండెంట్ భూపతి, టెంపుల్ ఇన్‌స్పెక్టర్లు రవికుమార్, బాలకృష్ణ, భక్తులు పాల్గొన్నారు.