Visit:
AP cabinet : ఆంధ్రప్రదేశ్‌లో కొత్త ప్రభుత్వం కొలువుదీరుతోంది. మరికాసేపట్లో టీడీపీ అధినేత చంద్రబాబు నాయుడు ముఖ్యమంత్రిగా ప్రమాణస్వీకారం చేయబోతున్నారు. ఈ నేపథ్యంలో చంద్రబాబుతోపాటు రాష్ట్ర మంత్రులుగా ప్రమాణస్వీకారం చేయబోయే వారి జాబితాను వెల్లడించారు. ఆ జాబితాలో మంత్రి పదవులను ఆశించిన పలువురు సీనియర్‌లు నిరాశే మిగిలింది.
ఎందుకంటే తమకు తప్పకుండా మంత్రి పదవి దక్కుతుందని అని భావించిన పలువురు సీనియర్‌లకు తాజా జాబితాలో చోటు దక్కలేదు. వారిలో గోరంట్ల బుచ్చయ్య చౌదరి, అయ్యన్నపాత్రుడు, ధూళిపాళ్ల నరేంద్ర, గంటా శ్రీనివాసరావు, యరపతినేని, బొండా ఉమ, గద్దె రామ్మోహన్, బాలకృష్ణ, పరిటాల సునీత, కోట్ల సూర్య ప్రకాశ్ రెడ్డి, కన్నా లక్ష్మీ నారాయణ, GV ఆంజనేయులు, కూన రవి తదితరులు ఉన్నారు.
వీరితోపాటు JC అస్మిత్ రెడ్డి, కోటంరెడ్డి శ్రీధర్ రెడ్డి, మాజీ మంత్రి కొండ్రు మురళితోపాటు రాష్ట్రంలోనే భారీ మెజార్టీతో గెలిచిన పల్లా శ్రీనివాసరావుకు కూడా అవకాశం దక్కలేదు.
