CEO MK Meena | కౌంటింగ్‌ కేంద్రాల్లో ఆటంకాలకు పాల్పడితే జైలుకే : సీఈవో ఎంకె మీనా

CEO MK Meena | ఏపీ ఎన్నికల కౌంటింగ్‌ కేంద్రాల్లో ఎవరైనా ఆటంకాలు సృష్టిస్తే జైలుకు పంపిస్తామని ఏపీ ఎన్నికల ముఖ్య అధికారి ఎంకే మీనా హెచ్చరించారు.

అమరావతి: ఏపీ ఎన్నికల కౌంటింగ్‌ కేంద్రాల్లో ఎవరైనా ఆటంకాలు సృష్టిస్తే జైలుకు పంపిస్తామని ఏపీ ఎన్నికల ముఖ్య అధికారి ఎంకే మీనా(CEO MK Meena) హెచ్చరించారు. అభ్యర్థులైనా, ఏజెంట్లైయినా కేంద్ర ఎన్నికల సంఘం ఆదేశాల మేరకు తక్షణమే అరెస్టు చేస్తామని వెల్లడించారు.

కృష్ణా జిల్లా మచిలిపట్నం కృష్ణావర్సిటిలో నెలకొల్పిన స్ట్రాంగ్‌రూమ్‌(Strong Room) లను, జిల్లా కలెక్టర్‌, ఎస్పీతో కలిసి పరిశీలించారు. అనంతరం ఆయన మీడియాతో మాట్లాడారు. కౌంటింగ్‌(Counting) రోజున అన్ని కౌంటింగ్‌ కేంద్రాల పరిసర ప్రాంతాల్లో 144 సెక్షన్‌ ఉంటుందని తెలిపారు. ఏజెంట్లు ఎవరైనా నిబంధనలకు వ్యతిరేకంగా వ్యవహరిస్తే బయటకు పంపించి వేస్తామని పేర్కొన్నారు.

ఫలితాల తరువాత ఊరేగింపులు(Processions) నిషేదం విధించామని తెలిపారు. స్ట్రాంగ్‌ రూంల వద్ద మూడంచెల భద్రత వ్యవస్థను ఉంచామని వెల్లడించారు. సీసీ టీవీ కెమెరాల ఏర్పాటు , గట్టి బందోబస్తును ఏర్పాటు చేశామని చెప్పారు.