YS Sharmila | బహిరంగ చర్చకు సిద్ధమా.. వైసీపీ నాయకులకు సవాల్‌ విసిరిన షర్మిల

YS Sharmila | ఏపీ కాంగ్రెస్‌ కమిటీ అధ్యక్షురాలు వైఎస్‌ షర్మిల వైసీపీ నాయకులకు సవాలు విసిరారు.

అమరావతి : ఏపీ కాంగ్రెస్‌ కమిటీ అధ్యక్షురాలు వైఎస్‌ షర్మిల ( YS Sharmila ) వైసీపీ నాయకులకు సవాలు విసిరారు. 2019 ఎన్నికల్లో తనతో ప్రచారం చేసిన పథకాలపై బహిరంగ చర్చ(open Debate) కు రావాలని డిమాండ్‌ చేశారు. ఈ మేరకు ఎక్స్‌ వేదిక ద్వారా సవాలు చేశారు. తల్లికి వందనం పథకంపై కూటమి ప్రభుత్వాన్ని నిలదీస్తే వైసీపీ (YCP) నాయకులకు ఉలుకు ఎందుకని నిలదీశారు. తాను టీడీపీ, బీజేపీ, జనసేనకు మద్దతు తెలియజేస్తున్నట్లు వైసీపీ చేస్తున్న దుష్ప్రచారాన్ని ఆమె తిప్పికొట్టారు.

2019 ఎన్నికల్లో తాను జగన్(Jagan) ‌, వైసీపీ తరుఫున రాష్ట్రంలో విస్తృతంగా పర్యటించి మేనిఫెస్టోలో పేర్కొన్న వాటిని ఆమె గుర్తు చేశారు. అమ్మ ఒడి పథకాన్ని ఇద్దరు పిల్లలకు కూడా వర్తింపజేస్తామని, ఒక్కొక్కరికి రూ. 15 వేల చొప్పున అందజేస్తామని జగన్‌ అప్పట్లో నాతో ప్రచారం చేయించారని పేర్కొన్నారు. ప్రత్యేక హోదా, సంపూర్ణ మద్యపాన నిషేధం, జలయజ్ఞంపై కూడా ప్రచారం చేశానని, వీటిపై చర్చకు సిద్ధమని ఆమె ట్వీట్‌ చేశారు.