Visit:
కుభీర్ : నిర్మల్ జిల్లా కుభీర్ మండల కేంద్రంలో ప్లాస్టిక్ క్యాన్లతో ( Plastic Cans ) పెట్రోల్ బంకుల ముందు వాహనదారులు క్యూ కట్టారు. మంగళవారం ఉదయం నుంచి పెట్రోల్ బంక్లో డీజిల్, పెట్రోల్ కొరత ( Petrol Shortage ) వస్తుందన్న సమాచారం తెలుసుకున్న వాహనదారులు, ద్విచక్ర వాహనదారులు తమ వాహనాలతో తరలివచ్చి రోడ్డు గుండా వాహనాలను క్యూ లైన్ లో నిలిపారు.
ఇంధనం కొరత కారణంగా వ్యవసాయ పనులకు ట్రాక్టర్లు నడవడం లేదని మండల రైతాంగం అయోమయానికి గురవుతుంది. ఖరీఫ్ సమీపించిన వేళ డీజిల్ కొరత కారణంగా వ్యవసాయ పనులు పూర్తికాక పోవడంతో రైతులు అయోమయానికి గురవుతున్నారు. ఒకవేళ వర్షాలు కురిస్తే వ్యవసాయ పనులు ఎలా చేసుకోవాలని రైతులు ఆవేదన వ్యక్తం చేస్తున్నారు. డీజిల్, పెట్రోల్ కొరత లేదని పేర్కొంటున్న అధికారులకు పెట్రోల్ బంకుల వద్ద కిలోమీటర్ పొడవున వాహనాలతో క్యూలైన్లు కనిపించడం లేదా అంటూ మండల ప్రజలు ఆగ్రహం వ్యక్తం చేస్తున్నారు. ఉన్నతాధికారులు స్పందించి డీజిల్ కొరత లేకుండా చూడాలని కోరుతున్నారు.
