Visit:
నిర్మల్‌, నవంబర్‌ 29(నమస్తే తెలంగాణ) : “తెలంగాణను మేమే ఇచ్చామంటూ కొన్ని పార్టీలు ప్రగల్భాలు పలుకుతున్నాయి. మరి గాంధీ కూడా భారతదేశ స్వాతంత్య్రం కోసం పోరాడారు. దేశానికి స్వాతంత్య్రం తెచ్చారంటారా? లేదా బ్రిటీష్‌ వారు ఇచ్చారంటారా?” దీనిపై కాంగ్రెస్‌ నాయకులు సమాధానం చెప్పాలని బీఆర్‌ఎస్‌ నాయకులు డిమాండ్‌ చేశారు. 2001 నుంచి 2014 వరకు 13 ఏళ్ల సుధీర్ఘకాలంపాటు కేసీఆర్‌ చేసిన పోరాటాలు, త్యాగాల ఫలితంగానే తెలంగాణ రాష్ట్ర కల సాకారమైందని స్పష్టం చేశారు. నవంబర్‌ 29, 2009న కేసీఆర్‌ సబ్బండ వర్గాలను ఏకతాటిపైకి తెచ్చి కేంద్రం మెడలు వంచేందుకే నాడు(ఇదే రోజు) దీక్షకు దిగారని గుర్తు చేశారు. శనివారం నిర్మల్‌లోని బీఆర్‌ఎస్‌ జిల్లా పార్టీ కార్యాలయంలో ‘దీక్షా దివస్‌’ కార్యక్రమాన్ని ఘనంగా నిర్వహించారు.
ఈ కార్యక్రమానికి నిర్మల్‌ నియోజకవర్గ బీఆర్‌ఎస్‌ సమన్వయకర్త కొరిపెల్లి రాంకిషన్‌రెడ్డి అధ్యక్షత వహించగా, ఖానాపూర్‌ నియోజకవర్గ ఇన్‌చార్జి భుక్యా జాన్సన్‌ నాయక్‌, ముథోల్‌ నియోజకవర్గ సమన్వయకర్తలు డాక్టర్‌ పడకంటి రమాదేవి, డాక్టర్‌ కిరణ్‌ కొమ్రేవార్‌, లోలం శ్యాంసుందర్‌, విలాస్‌ గాదేవార్‌, మాజీ జడ్పీ కో-ఆప్షన్‌ సభ్యులు డాక్టర్‌ సుభాష్‌రావు, ముఖ్య నేతలు హాజరయ్యారు. ముందుగా కార్యాలయ ప్రాంగణంలో గల తెలంగాణ తల్లి విగ్రహానికి పూల మాల వేసిన నాయకులు, అక్కడే ఏర్పాటు చేసిన కేసీఆర్‌ చిత్రపటానికి క్షీరాభిషేకం చేశారు. తెలంగాణ ఉద్యమంలో చురుకుగా పాల్గొన్న మారుగొండ రాము, డాక్టర్‌ సుభాష్‌రావు, విలాస్‌ గాదేవార్‌, లక్ష్మణాచారి, అక్రం, వనితలను సన్మానించారు.
అనంతరం భారీ సంఖ్యలో హాజరైన పార్టీ శ్రేణులను ఉద్దేశించి ముఖ్య నాయకులు మాట్లాడారు. 16 ఏళ్ల క్రితం సరిగ్గా ఇదే రోజు ‘కేసీఆర్‌ సచ్చుడో.. తెలంగాణ వచ్చుడో..’ అనే నినాదంతో స్వయంగా కేసీఆరే దీక్షకు దిగడంతో నాటి యూపీఏ సర్కారు దిగిరాక తప్పలేదన్నారు. 2001లో టీడీపీ నుంచి బయటకు వచ్చిన కేసీఆర్‌ టీఆర్‌ఎస్‌ పార్టీని ఏర్పాటు చేశారన్నారు. ప్రజాస్వామ్య పద్ధతిలోనే తెలంగాణ సాధించాలన్న లక్ష్యంతో నాటి నుంచి అన్ని ఎన్నికల్లో పార్టీ తరఫున అభ్యర్థులను బరిలో నిలిపి విజయాలను సాధిస్తూ వచ్చారని తెలిపారు. రాష్ట్ర ఏర్పాటు ఆలస్యమవుతున్నదన్న ఉద్దేశంతో ఇక చావో రేవో తేల్చుకునేందుకే నవంబర్‌ 29, 2009న కేసీఆర్‌ ఆమరణ దీక్షకు పూనుకున్నారని, నాటి పాలకులు అక్రమంగా జైలులో వేసినా కేసీఆర్‌ దీక్ష విరమించలేదన్నారు. ఈ కార్యక్రమంలో జిల్లాలోని అన్ని మండలాల బాధ్యులు, పార్టీ నాయకులు, కార్యకర్తలు పాల్గొన్నారు.
దీక్షా దివస్‌ కార్యక్రమంలో కాంగ్రెస్‌, బీజేపీలకు చెందిన పలువురు బీఆర్‌ఎస్‌ కండువా కప్పుకున్నారు. ఖానాపూర్‌ నియోజకవర్గానికి చెందిన సోమారిపేట్‌ మాజీ ఎంపీటీసీ బండారి పుష్ప బీజేపీని వీడి బీఆర్‌ఎస్‌లో చేరారు. అలాగే ఖానాపూర్‌ నీటి సంఘాల మాజీ చైర్మన్‌ రవీందర్‌ బీజేపీని వీడి బీఆర్‌ఎస్‌లో చేరారు. సోమారిపేట్‌కే చెందిన వైద్యుడు లక్ష్మీరాజం కాంగ్రెస్‌ పార్టీని వీడి బీఆర్‌ఎస్‌లో చేరారు. వీరంతా ఖానాపూర్‌ నియోజకవర్గ ఇన్‌చార్జి భుక్యా జాన్సన్‌నాయక్‌ ఆధ్వర్యంలో బీఆర్‌ఎస్‌లో చేరినట్లు ప్రకటించారు. పార్టీ బలోపేతానికి కృషి చేస్తామని ఈ సందర్భంగా పేర్కొన్నారు.
రాష్ట్రంలో కాంగ్రెస్‌ పార్టీ సాగిస్తున్న అరాచక పాలన తో ప్రజలు ఆ పార్టీపై తీవ్ర వ్యతి రేకతతో ఉన్నారు. రాబోయే అన్ని ఎన్నికల్లో బీఆర్‌ఎస్‌ పార్టీ విజయం సాధిస్తుంది. ఉమ్మడి ఆదిలాబాద్‌ జిల్లాలోని పదికి పది అసెంబ్లీ సీట్లను సాధించి మరోసారి కేసీఆర్‌కు బహుమతిగా ఇద్దాం. ఇందుకోసం ప్రతి కార్యకర్త, నాయకులు కృషి చేయాల్సిన అవసరం ఉంది. రాష్ట్రం ఏర్పడడం వల్లనే మన నిర్మల్‌ జిల్లా కల నెరవేరింది. – కే.రాంకిషన్‌రెడ్డి, బీఆర్‌ఎస్‌ నిర్మల్‌ నియోజకవర్గ సమన్వయకర్త
ఉమ్మడి రాష్ట్రంలో అప్పటి ప్రభుత్వం విద్యుత్‌ చార్జీలు పెంచడంతో రైతులు పెద్ద ఎత్తున ఆందోళనకు దిగి అసెంబ్లీ ముట్టడికి వెళ్తున్న క్రమంలో బషీర్‌బాగ్‌లో కాల్పులు జరిగాయి. ఆ కాల్పుల్లో రైతులు చనిపోవడంతో కేసీఆర్‌ కలత చెందారు. ఆనాటి రక్తపు మడుగుల నుంచి వచ్చిందే మన గులాబీ జెండా. ఆ తర్వాత 2009 వరకు కేసీఆర్‌ నాయకత్వంలో అనేక రకాల నిరసన కార్యక్రమాలు జరిగాయి. అదే సందర్భంలో 2009 నవంబర్‌ రెండో వారంలో హైదరాబాద్‌ను ఫ్రీజోన్‌గా ప్రకటిస్తూ 14ఎఫ్‌ జీవోను అమలు చేయాలని హైకోర్టు తీర్పు వెలువరించింది.
దీంతో ఇక తెలంగాణ ప్రజలకు హైదరాబాద్‌లో ఉద్యోగాలు రావు అన్న ఆవేదనతో ఉన్న కేసీఆర్‌.. దీనిని ఎలాగైనా అడ్డుకోవాలని భావించారు. రాష్ట్ర సాధనతోనే ఈ కష్టాలు తొలగిపోతాయని భావించి కేసీఆర్‌ ఆమరణ దీక్షకు పూనుకున్నారు. దాదాపు 11 రోజులపాటు దీక్ష కొనసాగడంతో అన్ని యూనివర్సిటీల విద్యార్థులు ఆందోళనలకు దిగారు. మరోవైపు పోలీసులు విద్యార్థులను అరెస్టు చేయడం, హింస, నిర్బంధకాండతో రాష్ట్రమంతా అట్టుడుకుతున్న సమయంలో అప్పటి కేంద్ర యూపీఏ సర్కారు దిగిరాక తప్పలేదు. నాడు కేసీఆర్‌ దీక్ష చేయకపోతే డిసెంబర్‌ 9, జూన్‌ 2వ తేదీలు ఉండేవి కావు.
– డాక్టర్‌ పడకంటి రమాదేవి, బీఆర్‌ఎస్‌ ముథోల్‌ నియోజకవర్గ సమన్వయకర్త
నా శవయాత్ర, లేకుంటే జైత్రయా త్ర అంటూ ఆనాడు కేసీఆర్‌.. చావు నోట్లో తలపెట్టి ఆమరణ నిరాహార దీక్షకు దిగడం వల్ల నే నాటి యూపీఏ ప్రభుత్వం నవంబర్‌ 9న రాత్రి 10 గంటలకు తెలం గాణ ఏర్పాటుకు కట్టుబడి ఉన్నామని ప్రకటించింది. ఎంతో పోరాడి సాధించుకున్న తెలంగాణ ప్రస్తుతం కాంగ్రెస్‌ పార్టీ చేతిలో పూర్తిగా ఆగమైపోయింది. కేసీఆర్‌ 10 ఏళ్ల పాలనలో అనేక స్కీములతో ప్రజలు సుభిక్షంగా జీవనం సాగించారు. ప్రస్తుత కాంగ్రెస్‌ పాలన పూర్తిగా స్కాముల మయమైపో యింది. మళ్లీ మన కేసీఆర్‌ ప్రభుత్వం అధికారంలోకి రావాలంటే ఈ దీక్షా దివస్‌ రోజు మనందరం దీక్ష తీసుకొ ని చిత్తశుద్ధితో పనిచేయాల్సిన అవసరం ఉంది. కాంగ్రెస్‌ పార్టీ ఎన్నికల సమయంలో ప్రజలకు ఇచ్చిన ఏ ఒక్క హామీ ని అమలు చేయడం లేదు. కాంగ్రెస్‌ మోసాలను ప్రజల్లోకి తీసుకెళ్లి ఎండగట్టాల్సిన బాధ్యత పార్టీ శ్రేణులు తీసుకోవాలి.
– భుక్యా జాన్సన్‌నాయక్‌, బీఆర్‌ఎస్‌ ఖానాపూర్‌ నియోజకవర్గ ఇన్‌చార్జి
కేసీఆర్‌ ఆమరణ దీక్షకు పూనుకు న్న నవంబర్‌ 29వ తేదీ చరి త్రపు టల్లో సువర్ణాక్షరాలతో లిఖించ బడుతుంది. ఆ రోజును తెలం గాణ ప్రజలు ఎన్నటికీ మరి చిపోరు. ఉద్యమ నేతగా కేసీ ఆర్‌ చేపట్టిన దీక్ష ఒక చరిత్ర. ఆనాడు కేసీఆర్‌ లేకపోతే తెలంగాణ రాష్ట్రమే లేదు. అంతటి మహోన్నతమైన వ్యక్తిని ఉద్దేశించి కొందరు అవాకులు చవాకులు పేల్చినంత మాత్రాన ఆయ.నను చరిత్ర మరచిపోదు. 1969 నాటి ఉద్యమంలో అనేక మంది విద్యార్థులు అమరులయ్యారు. నీళ్లు, నిధులు, నియామకాలతో కేసీఆర్‌ సాధించిన తెలంగాణ పదేండ్లలో అభివృద్ధి సాధించింది. గతంలో 1967, 72లో జరిగిన ఉద్యమాల గురించి అందరికీ తెలియదు. కేసీఆర్‌ ఆధ్వర్యంలో 2001 నుంచి 2014 వరకు జరిగిన ప్రత్యేక రాష్ట్ర ఉద్యమాలు అందరికీ గుర్తున్నాయి.
– డాక్టర్‌ కిరణ్‌ కొమ్రేవార్‌, బీఆర్‌ఎస్‌ ముథోల్‌ నియోజకవర్గ సమన్వయకర్త
ప్రస్తుతం గ్రామాల్లో ఎన్ని కల సందడి నెలకొన్నది. సర్పంచ్‌ ఎన్నికలకు నోటిఫికేషన్‌ వచ్చింది. మెజారిటీ గ్రామాల్లో బీఆర్‌ఎస్‌ మద్దతుదా రులు సర్పంచ్‌ పదవుల ను దక్కించుకొని సత్తా చాటాలి. రాష్ట్రంలో కాం గ్రెస్‌ అధికారంలోకి వచ్చిన తర్వాత ఏ ఒక్కరు సంతోషంగా లేరు. ముఖ్యంగా గ్రామాల్లో రైతులు ఇబ్బందులు ఎదుర్కొంటున్నారు. కనీసం ఎరువు లు, విత్తనాలు సకాలంలో అందించలేకపోతు న్నది. కేసీఆర్‌ పాలనలోనే మంచిగ ఉండే అని రైతులతోపాటు అన్ని వర్గాల ప్రజలు అంటున్నా రు. ఈ క్రమంలో వచ్చే అన్ని ఎన్నికల్లో బీఆర్‌ఎస్‌ అభ్యర్థులే గెలుపొందేలా కార్యకర్తలు కృషి చేయాలి.
– లోలం శ్యాంసుందర్‌, బీఆర్‌ఎస్‌ ముథోల్‌ నియోజకవర్గ సమన్వయకర్త
