Belt Shops | ఆదిలాబాద్‌లో బెల్ట్ షాపులపై దాడులు..కేసులు నమోదు

Belt Shops | ఆదిలాబాద్‌ పట్టణంలోని పలు ప్రాంతాల్లో అక్రమంగా బెల్ట్‌షాపులు నిర్వహిస్తున్న దుకాణాలపై పోలీసులు దాడులు చేశారు. ఈ సందర్భంగా రూ. 15,370 విలువ గల మద్యాన్ని పట్టుకున్నట్లు పోలీసులు వెల్లడించారు.

ఆదిలాబాద్ : ఆదిలాబాద్‌ (Adilabad ) పట్టణంలోని పలు ప్రాంతాల్లో అక్రమంగా బెల్ట్‌షాపులు ( Belt shops ) నిర్వహిస్తున్న దుకాణాలపై పోలీసులు దాడులు చేశారు. జిల్లా ఎస్పీ అఖిల్ మహాజన్‌ ( SP Mahajan) ఆదేశాల మేరకు పట్టణంలోని సుందరయ్య నగర్ కాలనీపై పోలీసులు దాడులు చేశారు.

సుందరయ్య నగర్‌లో జల్లార్పూవార్ సుధాకర్, గులేందవ ఇంద్ర, బోయపల్లి అభి యాదవ్, శ్రీరామ్‌ కాలనీలో తలకోకుల భూమన్న నిర్వహిస్తున్న బెల్ట్‌ షాపులను తనిఖీ చేశారు. అనుమతులు లేకుండా బెల్ట్ షాపులు నిర్వహిస్తూ మద్యం విక్రయాలు చేయడం అక్రమమని పేర్కొంటూ ఆదిలాబాద్ టు టౌన్ పోలీస్ స్టేషన్‌లో కేసు నమోదుచేశారు.

ఈ సందర్భంగా రూ. 15,370 విలువ గల మద్యాన్ని పట్టుకున్నట్లు పోలీసులు వెల్లడించారు. బెల్ట్ షాపుల నిర్వహణ చట్ట వ్యతిరేకమని, ఎవరైనా బెల్ట్‌షాపులు నిర్వహిస్తే వారిపై కేసులు నమోదు చేస్తామని హెచ్చరించారు.