ఈ గింజల్లో పోషకాలు మెండు

ఆరోగ్యంగా ఉండటానికి ఖరీదైన మందులు, జిమ్‌ వర్కవుట్లు మాత్రమే సరిపోవు. మనం తీసుకునే ఆహారంలో చిన్నపాటి మార్పులు కూడా పెద్ద ఫలితాలను ఇస్తాయి. చూడటానికి చాలా చిన్నవిగా కనిపించినా పోషకాల విషయంలో మాత్రం ఈ విత్తనాలు సూపర్‌ ఫుడ్స్‌ అనిపించుకున్నాయి.

ఆరోగ్యంగా ఉండటానికి ఖరీదైన మందులు, జిమ్‌ వర్కవుట్లు మాత్రమే సరిపోవు. మనం తీసుకునే ఆహారంలో చిన్నపాటి మార్పులు కూడా పెద్ద ఫలితాలను ఇస్తాయి. చూడటానికి చాలా చిన్నవిగా కనిపించినా పోషకాల విషయంలో మాత్రం ఈ విత్తనాలు సూపర్‌ ఫుడ్స్‌ అనిపించుకున్నాయి. విటమిన్లు, ఖనిజాలు, ఆరోగ్యకరమైన కొవ్వులతో నిండి ఉండే ఈ గింజలను రోజుకు ఒకటి-రెండు చెంచాలు తీసుకుంటే మీ శరీరానికి అవసరమైన శక్తి లభించడమే కాకుండా, గుండె ఆరోగ్యానికి కూడా ఎంతో మేలు జరుగుతుంది. మరీ మన ఆరోగ్యానికి మేలు చేసే ఆ గింజలేమిటో తెలుసుకుందాం…

హలీమ్‌ గింజలు: మన దేశంలోని మహిళల్లో అనేకమంది మహిళలు రక్తహీనత సమస్యతో బాధపడుతూ ఉంటారు కదా. వారి సమస్యకు హలీమ్‌ గింజలు అద్భుతమైన పరిషారం. వీటిలో ఐరన్‌, ఫోలెట్‌ పుషలంగా ఉంటాయి. ఇవి శరీరంలో హిమోగ్లోబిన్‌ శాతాన్ని పెంచి, అలసటను తగ్గిస్తాయి. హలీమ్‌ గింజలు రక్తహీనతతో బాధపడేవారికి సంజీవని లాంటివి. వీటిలో ఉండే క్యాల్షియం, మెగ్నీషియం, యాంటి ఆక్సిడెంట్స్‌ ఎముకల బలానికి, రోగనిరోధక శక్తిని పెంచడానికి తోడ్పడతాయి.

గుమ్మడి గింజలు: గుమ్మడి గింజలను చాలామంది కేవలం రుచి కోసమే తింటారు. కానీ, వీటిలో జింక్‌, మెగ్నీషియం, ఫైబర్‌, విటమిన్‌-ఇ మెండుగా ఉంటాయి. ఇవి పురుషులలో శుక్ర కణాల ఆరోగ్యాన్ని మెరుగుపరచడమే కాకుండా, రక్తపోటును నియంత్రించడంలోనూ, కండరాలకు శక్తినివ్వడంలో కీలక పాత్ర పోషిస్తాయి. రోగనిరోధక శక్తి పెంచుకోవాలనుకునే వారికి ఇవి సరైన ఎంపిక.

అవిసె గింజలు: శాకాహారులకు ఒమేగా-3 ఫ్యాటీ యాసిడ్స్‌ లభించే అత్యుత్తమ వనరు అవిసె గింజలు. ఇవి గుండె ఆరోగ్యాన్ని మెరుగుపరచడంతో పాటు కొలెస్ట్రాల్‌ స్థాయులను అదుపులో ఉంచుతాయి. ముఖ్యంగా మహిళల్లో హార్మోన్ల సమతుల్యతకు ఎంతో మేలు చేస్తాయి. అయితే, అవిసె గింజలపై పొర చాలా గట్టిగా ఉంటుంది, అది త్వరగా జీర్ణం కాదు. అందుకే వీటిని పొడి చేసి తీసుకుంటేనే శరీరానికి పూర్తి పోషకాలు అందుతాయి. ఈ మూడు రకాల గింజలను కలిపి రోజుకు ఒకటి నుంచి రెండు చెంచాలు స్మూతీస్‌, సలాడ్స్‌ లేదా పెరుగులో కలుపుకొని తీసుకోవచ్చు. క్రమం తప్పకుండా తీసుకుంటే మెరుగైన ఆరోగ్యం మీ సొంతం అవుతుంది.