Rakul Preet Singh | దర్శకుడు నితీశ్ తివారీ ప్రతిష్ఠాత్మక చిత్రం ‘రామాయణం’లో కీలక పాత్రకు రకుల్ ప్రీత్ సింగ్ ఎంపికైందని బీటౌన్ సమాచారం. రణ్బీర్ కపూర్, సాయిపల్లవి, యశ్, సన్నీ దేవోల్, లారా దత్త ఇప్పటికే ఈ చిత్రంలో భాగమైనట్టు వార్తలు వచ్చాయి. రాముడిగా రణ్బీర్, సీతగా సాయిపల్లవి నటిస్తున్నారు. రావణుడిగా యశ్ను ఫైనల్ చేశారు.
సన్నీ దేవోల్ హనుమంతుడి పాత్ర పోషిస్తున్నారు. రావణుడి సోదరి శూర్పణఖ పాత్రకోసం రకుల్ను ఎంపిక చేశారని సమాచారం. రామాయణాన్ని మలుపు తిప్పిన కీలక పాత్ర కావడంతో, అభినయానికి అవకాశం ఉండటంతో నిడివి తక్కువైనా శూర్పణఖ క్యారెక్టర్కు ఆమె ఒప్పుకొందని టాక్. వచ్చే నెలలో ఈ సినిమా షూటింగ్ మొదలుకానుంది. మరోవైపు బాలీవుడ్ నటుడు, నిర్మాత జాకీ భగనానీతో రకుల్ వివాహం ఈ నెల 21న గోవాలో జరగనుంది. ఈ ఏడాది ద్వితీయార్ధంలో ఆమెకు సంబంధించిన సన్నివేశాలు చిత్రించడానికి ప్లాన్ చేశారట దర్శకుడు నితీశ్.