తెల్లవారకముందే..

మూడు పదుల్లోకి అడుగుపెట్టక ముందే జుట్టు తెల్లగా మారిపోతున్నది. ఈ సమస్యను తప్పించుకోవాలన్నా, తగ్గించుకోవాలన్నా ఓ పరిష్కారం ఉంది. జుట్టు తెల్లబడటం మొదలవ్వగానే.. మూల కారణం కనిపెట్టాలి. తగిన జాగ్రత్తలు తీసుకుంటే.. నలుపు రంగు ఇంకొంత కాలం నిలుస్తుంది.

మూడు పదుల్లోకి అడుగుపెట్టక ముందే జుట్టు తెల్లగా మారిపోతున్నది. ఈ సమస్యను తప్పించుకోవాలన్నా, తగ్గించుకోవాలన్నా ఓ పరిష్కారం ఉంది. జుట్టు తెల్లబడటం మొదలవ్వగానే.. మూల కారణం కనిపెట్టాలి. తగిన జాగ్రత్తలు తీసుకుంటే.. నలుపు రంగు ఇంకొంత కాలం నిలుస్తుంది. అతి కొద్దిమందిలోనే జన్యు సమస్య వల్ల చిన్న వయసులోనే జుట్టు తెల్లబడుతున్నది. ఎక్కువమందిలో ఫోలేట్‌, కొబాలమిన్‌ విటమిన్లు లోపించడం వల్ల ఈ సమస్య తలెత్తుతున్నది. ఈ రెండు విటమిన్లు డీఎన్‌ఏ నిర్మాణం, కొత్త కణాల తయారీతోపాటు జుట్టుకి నలుపు రంగునిచ్చే మెలనిన్‌ తయారీలో కీలకంగా వ్యవహరిస్తాయి. అందుకే, ఒకటీ, రెండు వెంట్రుకలు తెల్లబడితే వెంటనే రంగు వేసుకోకుండా.. రక్త పరీక్ష చేయించుకోవాలి. ఫోలేట్‌, కొబాలమిన్‌ లోపమని తేలితే వెంటనే ఆహారంతో ఆ లోటుని భర్తీ చేసుకోవాలి. పాలకూర, ఆకుకూరలు, ఆకుపచ్చని పండ్లు, ఆకుపచ్చని కూరగాయలు, నిమ్మ, నారింజ, బత్తాయి రసం, పప్పులు, పల్లీలు, చిక్కుడు గింజలు, తృణ ధాన్యాల్లో ఫోలేట్‌ (విటమిన్‌ బి9) ఎక్కువగా ఉంటుంది. మాంసం, గుడ్డు, పాలు, పాల ఉత్పత్తులు, మజ్జిగ తీసుకుంటే.. శరీరానికి కొబాలమిన్‌ (విటమిన్‌ బి12) అందుతుంది. విటమిన్లు లోపిస్తే ఆరోగ్యమే కాదు.. అందమూ క్షీణిస్తుంది. కాబట్టి, తెల్ల జుట్టు రాగానే నూనెలు, రంగుల కంటే ఆహారానికి ప్రాధాన్యం ఇవ్వాలి.