మోటో నుంచి మ్యాక్స్‌ బ్యాటరీతో..

మోటరోలా సరికొత్త మిడ్‌రేంజ్‌ స్మార్ట్‌ఫోన్‌ ‘మోటో జి మ్యాక్స్‌'ను అధికారికంగా లాంచ్‌ చేసింది. భారీ బ్యాటరీ, మిలిటరీ-గ్రేడ్‌ డ్యూరబిలిటీతో ఈ ఫోన్‌ను తీసుకువచ్చింది. ఇందులో 120Hz రిఫ్రెష్‌ రేట్‌ కలిగిన 6.72 అంగుళాల ఫుల్‌ హెచ్‌డీ+ ఎల్‌సీడీ డిస్‌ప్లేను ఏర్పాటు చేసింది.

మోటరోలా సరికొత్త మిడ్‌రేంజ్‌ స్మార్ట్‌ఫోన్‌ ‘మోటో జి మ్యాక్స్‌’ను అధికారికంగా లాంచ్‌ చేసింది. భారీ బ్యాటరీ, మిలిటరీ-గ్రేడ్‌ డ్యూరబిలిటీతో ఈ ఫోన్‌ను తీసుకువచ్చింది. ఇందులో 120Hz రిఫ్రెష్‌ రేట్‌ కలిగిన 6.72 అంగుళాల ఫుల్‌ హెచ్‌డీ+ ఎల్‌సీడీ డిస్‌ప్లేను ఏర్పాటు చేసింది. దీనికి గొరిల్లా గ్లాస్‌ 7ఐ ప్రొటెక్షన్‌ను జోడించింది. ఇక క్వాల్‌కామ్‌ స్నాప్‌డ్రాగన్‌ 6ఎస్‌-జెన్‌4తోపాటు 6జీబీ ర్యామ్‌ ఉండటం వల్ల పెర్ఫార్మెన్స్‌ పీక్‌ లెవెల్‌లో ఉండనుంది. కెమెరా విషయానికి వస్తే.. 50 ఎంపీ సోనీ ఎల్‌వైటీ ప్రైమరీ కెమెరాతోపాటు 8ఎంపీ అల్ట్రావైడ్‌ సెన్సర్‌ను ఏర్పాటు చేసింది.

సెల్ఫీలు, వీడియో కాల్స్‌ కోసం ముందుభాగంలో 32 ఎంపీ కెమెరా ఉంది. ఈ ఫోన్‌లోని మెయిన్‌ ఫీచర్‌.. 7,000 ఎంఏహెచ్‌ కెపాసిటీ గల భారీ బ్యాటరీ. సాధారణ వాడకంతో మూడు రోజుల వరకూ బ్యాకప్‌ అందిస్తుందని సంస్థ చెబుతున్నది. ఇక చార్జింగ్‌ కోసం 33W వరకూ టర్బో పవర్‌ ఫాస్ట్‌ చార్జింగ్‌ను సపోర్ట్‌ చేస్తుంది. మిలిటరీ గ్రేడ్‌ సర్టిఫికేషన్‌, ఐపీ 64 డస్ట్‌-వాటర్‌ రెసిస్టెన్స్‌ ఉండటం వల్ల.. అన్ని వాతావరణ పరిస్థితులనూ తట్టుకుంటుంది. 6జీబీ ర్యామ్‌+ 128 జీబీ స్టోరేజ్‌ వేరియంట్‌ ఫోన్‌ ధర రూ.27,999గా నిర్ణయించింది. మోటరోలా అధికారిక వెబ్‌సైట్‌, ఫ్లిప్‌కార్ట్‌తోపాటు అన్ని ఆఫ్‌లైన్‌ రిటైల్‌ స్టోర్లలో ఈ ఫోన్‌ అందుబాటులో ఉన్నది.