బ్యాగ్‌ బరువు కాకుండా..!

జూన్‌ రాగానే పిల్లల వీపుపై పుస్తకాల బరువు పెరిగిపోతుంది. దీనివల్ల వాళ్లకు వెన్నునొప్పి వచ్చే ప్రమాదం ఉంటుంది. పిల్లలకు ఈ సమస్య రాకుండా అమ్మలు కొన్ని చిట్కాలు పాటిస్తే సరి!

జూన్‌ రాగానే పిల్లల వీపుపై పుస్తకాల బరువు పెరిగిపోతుంది. దీనివల్ల వాళ్లకు వెన్నునొప్పి వచ్చే ప్రమాదం ఉంటుంది. పిల్లలకు ఈ సమస్య రాకుండా అమ్మలు కొన్ని చిట్కాలు పాటిస్తే సరి!

• పిల్లల బరువులో స్కూల్‌ బ్యాగ్‌ బరువు 10% కంటే ఎక్కువ ఉండకూడదు.
• ఎప్పుడూ రెండు భుజాలపైనే బ్యాగ్‌ను ధరించేలా పిల్లలకు అలవాటు చేయాలి. బ్యాగ్‌ను వన్‌సైడ్‌ వేసుకోనివ్వకూడదు. ఒకే భుజంపై మోయడం వల్ల మెడ, భుజాల నొప్పులు వస్తాయి.
• బ్యాగ్‌ నడుము కంటే కిందికి వేలాడకుండా పట్టీల పొడవును సరిచేయాలి. వెన్నుకు దగ్గరగా ఉండేలా ధరించడం మంచిది. రెండు భుజాలకూ స్ట్రాప్స్‌ సమానంగా ఉండేలా అడ్జస్ట్‌ చేయాలి.
• అనవసరమైన డైరీలు, అవసరం లేని టెక్ట్స్‌ బుక్స్‌ ఇంట్లోనే పెట్టేలా.. రోజూ టైమ్‌ టేబుల్‌ ప్రకారం బ్యాగ్‌ సర్దడం పిల్లలకు అలవాటు చేయాలి.
• బరువైన పుస్తకాలను బ్యాగ్‌లోని వెన్నుకు ఆనుకునే భాగంలో అమర్చితే బరువు సమానంగా పంపిణీ అవుతుంది. దీంతో వెన్నెముకపై ఒత్తిడి తగ్గుతుంది.
• బ్యాగ్‌ బరువు ఎక్కువగా ఉంటే ట్రాలీ తరహావాటిని ఉపయోగించడం మంచిది. ముఖ్యంగా చిన్న తరగతుల పిల్లలకు ఇవి భుజాలు, నడుముపై ఒత్తిడిని తగ్గిస్తాయి.