బాబోయ్.. బ్రాంకియోలైటిస్!
ఇది చిన్నపిల్లల్లో కనిపించే సర్వసాధారణ శ్వాస సంబంధ వ్యాధి. రెస్పిరేటరీ సిన్సీషియల్ వైరస్, ఇన్ఫ్లుయెంజా, పారా ఇన్ఫ్లుయెంజా, ఎడినోవైరస్, రైనో వైరస్.. అనే సూక్ష్మ జీవులు ప్రధాన కారకాలు. వర్ష కాలంలో, చలి కాలంలో బాగా కనిపిస్తుంది. రెండేండ్ల లోపు పిల్లలకు వచ్చే అవకాశం ఎక్కువ. కానీ 80 శాతం మరణాలు ఆరునెలల లోపు పిల్లల్లోనే సంభవిస్తాయి
ఇది చిన్నపిల్లల్లో కనిపించే సర్వసాధారణ శ్వాస సంబంధ వ్యాధి. రెస్పిరేటరీ సిన్సీషియల్ వైరస్, ఇన్ఫ్లుయెంజా, పారా ఇన్ఫ్లుయెంజా, ఎడినోవైరస్, రైనో వైరస్.. అనే సూక్ష్మ జీవులు ప్రధాన కారకాలు. వర్ష కాలంలో, చలి కాలంలో బాగా కనిపిస్తుంది. రెండేండ్ల లోపు పిల్లలకు వచ్చే అవకాశం ఎక్కువ. కానీ 80 శాతం మరణాలు ఆరునెలల లోపు పిల్లల్లోనే సంభవిస్తాయి. డే కేర్ సెంటర్లలో పెరిగేవారు, ఇరుకిరుకు నివాసాలలో ఉండేవారు, నెలలు నిండకముందే జన్మించినవారు, గుండె జబ్బులతో పుట్టినవారు, పోషక విలువల లోపాలు ఉన్నవారి విషయంలో ఈ వ్యాధి తీవ్రస్థాయికి చేరుతుంది.

లక్షణాలు
జలుబు, జ్వరంతో ప్రారంభమై దగ్గు, ఆయాసంలోకి దించుతుంది. దీనివల్ల పాలు తాగడం కష్టం అవుతుంది. ఊపిరి తీసుకున్నప్పుడు శబ్దం బయటికి వినిపించవచ్చు. వ్యాధి తీవ్రమైనప్పుడు శ్వాస ఆగిపోవడం, శరీరంలో ఆక్సిజన్ పరిమాణం అకస్మాత్తుగా తగ్గడం తదితర విపరిణామాల వల్ల మరణమూ సంభవించవచ్చు. శ్వాసక్రియ వేగం అసాధారణంగా ఉన్నప్పుడు, పాలు తాగడం కష్టంగా ఉన్నప్పుడు ఆసుపత్రిలో ఉంచి వైద్యం చేయించడమే సురక్షితం.
వైద్యం
ముక్కు తరచుగా శుభ్రం చేయాలి. తగినన్ని ద్రవ పదార్థాలు ఇవ్వాలి. తల, ఛాతీభాగం 30 డిగ్రీలు ఏటవాలుగా ఉండేలా కూర్చోబెడితే శ్వాస సులభంగా ఆడుతుంది. ఇంటి వద్దే ఉంచి వైద్యం చేయిస్తున్నప్పడు శ్వాసక్రియ వేగం పెరగడం, శరీరం నీలం రంగులోకి మారడం వంటి మార్పులను గమనిస్తూ ఉండాలి. ఇవి ప్రమాద చిహ్నాలు. 48- 72 గంటల లోపు వ్యాధి తీవ్రత పెరిగే ఆస్కారం ఉంది. దాదాపు 10-12 రోజుల తరువాత అదే తగ్గుముఖం పడుతుంది. ఈ రుగ్మత పాలైన శిశువులకు భవిష్యత్తులో ఉబ్బసం వ్యాధి వచ్చే ఆస్కారం ఎక్కువ.
వ్యాప్తి
ఈ వ్యాధి ఇట్టే వ్యాపిస్తుంది. దగ్గు, తుమ్ముల వల్ల నోటినుంచి వచ్చే లాలాజల బిందువుల ద్వారా విస్తరిస్తుంది. ఇంట్లోని పెద్ద పిల్లలకు వస్తే వారం రోజుల లోపే మిగతా పిల్లలకూ రావచ్చు.
– డాక్టర్ కర్రా రమేశ్రెడ్డి
పిల్లల వైద్య నిపుణులు
Read Today's Latest Zindagi News in Telugu and Telugu News
- Tags
- Bronchiolitis
- Children
- Infants
- kids
RELATED ARTICLES
తాజా వార్తలు
Varanasi | వారణాసి నుంచి అదిరిపోయే అప్డేట్.. షూటింగ్ పూర్తి, త్వరలోనే రాజమౌళి భారీ సర్ప్రైజ్!
Motivational Story | పొలంలో ముల్లు గుచ్చుకుంటే ఆగలేదు.. అడవిలో పాములను చూసి ఎందుకు భయపడ్డాడు?.
Ant Story | ఓ చిన్న చీమ చెప్పిన గొప్ప జీవిత పాఠం.. ఖురాన్లో ప్రస్తావించిన అద్భుత కథ
Karthika Masam | కార్తిక మాసాన్ని హరిహర మాసం అని ఎందుకంటారు? దీపారాధన నుంచి తులసీ పూజ వరకు ప్రతి ఆచారం వెనుక ఉన్న రహస్యం ఇదే!
Bigg Boss 10 | హైపర్ ఆది పంచులతో హౌస్లో నవ్వుల సందడి.. శ్వేత ఎలిమినేట్,అమన్ ఎమోషనల్!
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

