తొమ్మిది రోజులు ఉయ్యాలో..

తొమ్మిది రోజులు ఉయ్యాలో..  నమ్మిక తోడుగ ఉయ్యాలో.. అల్లరి గుమ్మడి ఉయ్యాలో..  అరుగులు వేయించి ఉయ్యలో..

తొమ్మిది రోజులు ఉయ్యాలో..

నమ్మిక తోడుగ ఉయ్యాలో..

అల్లరి గుమ్మడి ఉయ్యాలో..

అరుగులు వేయించి ఉయ్యలో..

గోరింట పూలతో ఉయ్యాలో..

గోడలు పెట్టించి ఉయ్యాలో..

తామర పూలతో ఉయ్యాలో..

ద్వారాలు పెట్టించి ఉయ్యాలో..

మొగిలి పూలతో ఉయ్యాలో..

మొగురాలు ఎక్కించి ఉయ్యాలో..

వాయిలి పూలతో ఉయ్యాలో..

వాసాలు చేయించి ఉయ్యాలో..

పొన్న పూలతో ఉయ్యాలో..

ఇల్లును కప్పించి ఉయ్యాలో..

పసుపు ముద్దను చేసి ఉయ్యాలో..

తోరణాలు కట్టి ఉయ్యాలో..

దోసపూలతో ఉయ్యాలో..

గౌరమ్మను నిలిపిరి ఉయ్యాలో..

చేమంతి పూలతో ఉయ్యాలో..

చెలియను పూజింతురుయ్యాలో..

సుందరాంగులెల్ల ఉయ్యాలో..

చుట్టూతా తిరిగిరి ఉయ్యాలో..

ఆటలు ఆడిరి ఉయ్యాలో..

పాటలు పాడిరి ఉయ్యాలో..

ఆటపాటలు చూసి ఉయ్యాలో..

ఆనందమొందిరి ఉయ్యాలో..

కాంతలందరికి ఉయ్యాలో..

ఆడినవారికి ఉయ్యాలో..

పాడినవారికి ఉయ్యాలో..

పాడిపంటలు కల్గు ఉయ్యాలో..

విన్నట్టివారికి ఉయ్యాలో..

విష్ణుపథము కల్గు ఉయ్యాలో..