మలేషియా అంతర్జాతీయ సదస్సుకు డివైఎస్ఓ అశోక్‌ కుమార్‌

మలేషియాలో ఈనెల 18 నుంచి 20 వరకు జరిగే ప్రతిష్టాత్మక అంతర్జాతీయ సదస్సులో జిల్లా క్రీడాభివృద్ధి అధికారి గుగులోతు అశోక్‌కుమార్‌ పాల్గొన్నారు.

హనుమకొండ చౌరస్తా, సెప్టెంబర్ 20 : మలేషియాలో ఈనెల 18 నుంచి 20 వరకు జరిగే ప్రతిష్టాత్మక అంతర్జాతీయ సదస్సులో జిల్లా క్రీడాభివృద్ధి అధికారి గుగులోతు అశోక్‌కుమార్‌ పాల్గొన్నారు. శనివారం మలేషియాలోని యూనివర్సిటీ జరిగిన అంతర్జాతీయ సదస్సులో ‘ఏ కేస్ స్టడీ ఆన్‌ యాన్‌ ఎమినెంట్‌ ఇంటర్నేషనల్‌ రెజ్లింగ్‌ స్పోర్ట్స్​‍ పర్సనాలిటీ ఠాకూర్‌ దేవ్‌సింగ్‌’ అనే అంశంపై ఆయన పత్రం సమర్పణ చేశారు. మహబూబాబాద్‌ జిల్లా నెల్లికుదురు మండలం చెందిన అశోక్‌కుమార్‌ వరంగల్‌ నిట్‌ ప్రొఫెసర్‌ పి.రవికుమార్‌ పర్యవేక్షణలో పీహెచ్‌డీ స్కాలర్‌గా ఉన్నాడు. శనివారం మలేషియాలో జరిగిన సదస్సులో పత్ర సమర్పణ చేసి పలువురు మన్ననలు అందుకున్నారు.