సోషల్ మీడియాలో ఆసక్తికరమైన వీడియోలు ఏవైనా ఇలా పోస్ట్ చేయగానే లక్షల్లో వ్యూస్, పెద్ద సంఖ్యలో లైక్స్ రాబడుతుంటాయి. ఇక మూగజీవాలకు సంబంధించిన వీడియోలూ క్షణాల్లోనే వైరల్గా మారుతున్నాయి. సాధు జంతువులను కంటికి రెప్పలా కాపాడుకునే వారు మూగజీవాలకు ఆసరాగా నిలస్తున్న వీడియోలూ సోషల్ మీడియా వేదికగా నెటిజన్ల ప్రశంసలకూ నోటుకుంటున్నాయి.
Hiya hiyaaaaaaaaaaaaaaaaaa ! 💪💪pic.twitter.com/iepEKe1N2v
— Figen (@TheFigen) August 3, 2022
మరోవైపు జంతువులను క్రూరంగా హింసించే ప్రబుద్ధులపై నెటిజన్లు విరుచుకుపడుతున్నారు. ఈ తరహా వీడియో ఒకటి ప్రస్తుతం ట్విట్టర్లో వైరల్గా మారింది.సూటూ బూటూ వేసుకున్న ఓ వ్యక్తి ఆవులను తోలుతూ వాటి పట్ల దురుసుగా ప్రవర్తించాడు. కర్రతో కొడుతూ హింసిస్తుండగా ఓ లేగదూడకు చిర్రెత్తుకొచ్చిందో ఏమో ఒక్కసారిగా ఎగిరి అతడి గుండెలపై తన్నింది.
లేగదూడ విరుచుకుపడటంతో కంగుతిన్న సదరు వ్యక్తి దాని దెబ్బకు కిందపడటంతో స్టైలిష్ కోటుకు కాస్తా బురుద అంటుకుంది. ఫిజెన్ అనే ట్విట్టర్ యూజర్ ఈ వీడియోను షేర్ చేయగా ఏకంగా 37 లక్షల వ్యూస్ వచ్చాయి. పెద్దసంఖ్యలో నెటిజన్లు లైకులు కొడుతూ రీట్వీట్లు చేస్తుండటంతో సోషల్ మీడియాలో ఇది తెగవైరలవుతోంది. వేషధారణ కాదు మూగజీవాల పట్ల ఆదరణ ఉండాలని అతడికి నెటిజన్లు గడ్డిపెడుతున్నారు. ఈ తింగరోడికి ఇలా శాస్తి జరగాలని పలువురు నెటిజన్లు కామెంట్ చేశారు.