చీరలో మెరిసిపోతున్న చిరంజీవి ముద్దుల కూతుళ్లు

ఫోటో చూసిన తర్వాత ఇప్పుడు ఇదే అనిపిస్తుంది కదా. మెగాస్టార్ చిరంజీవి కొడుకు రామ్ చరణ్ ఇప్పటికే తెలుగులో స్టార్ హీరోగా కొనసాగుతున్నాడు. ఆయన ఇంట్లో ఎంతోమంది హీరోలు ఉన్నారు. అయితే వారసులు కాదు వారసురాళ్లు కూడా సత్తా చూపిస్తున్నారు. కాకపోతే వాళ్లు తెరపై కాకుండా తెరవెనక తమ బ్రాండ్ చూపిస్తున్నారు. ఇదిలా ఉంటే చిరు ఇంట్లో ప్రతీ పండగ ఓ రేంజ్‌లో జరుగుతుంది. కుటుంబ సభ్యులంతా కలిసి సెలబ్రేట్ చేసుకోవడం వాళ్లకు అలవాటు. ఇప్పుడు శివరాత్రి కూడా ఇలాగే జరుగుతుంది. తాజాగా కొడుకు, కోడలు, కూతుళ్లు, అల్లుళ్ల‌తో కలిసి చిరంజీవి శివరాత్రిని జరుపుకున్నాడు. 

ఈ క్రమంలోనే చిరు తనయలు ఇద్దరూ మంచి చీర కట్టుకుని.. సాంప్రదాయబద్ధంగా ముస్తాబై ఫోటోలు పోస్ట్ చేశారు. అందులో చీరతో పాటు షేడ్స్ పెట్టుకుని సుష్మిత, శ్రీజ చాలా చక్కగా ఉన్నారు. ఫోటోల సంగతి పక్కనబెడితే ఈ ఇద్దరూ సినిమాల్లో కూడా తమ బాధ్యత నిర్వర్తిస్తున్నారు. ఇప్పటికే చిరు పెద్ద కూతురు సుష్మిత క్యాస్ట్యూమ్ డిజైనర్‌గా బిజీ అయిపోయింది. ఖైదీ నెం 150 సహా సైరా లాంటి సినిమాలకు ఈమె కాస్ట్యూమ్స్ డిజైన్ చేసింది. తమ్ముడు రామ్ చరణ్ సినిమాలకు కూడా పని చేస్తుంది సుష్మిత. ఇప్పటికే ఈమెకు స్టార్ కాస్ట్యూమ్ డిజైనర్ గా పేరొచ్చింది. బయటి సినిమాలకు కూడా చేయాలంటూ ఆఫర్స్ వస్తున్నా ఇంటికే పరిమితమైంది సుష్మిత. 

ఈ మధ్యే షూటౌట్ ఎట్ ఆలేరుతో తొలిసారి వెబ్ సిరీస్‌కు నిర్మాతగా మారింది. మరోవైపు చిరు చిన్నకూతురు శ్రీజ సైతం నిర్మాతగా మారుతుంది. భర్తతోనే సినిమాను నిర్మించడానికి సిద్ధమవుతుంది. సినిమాలు అలా ఉంచితే ఈ అక్కాచెల్లెళ్ల అనుబంధం రియల్ లైఫ్‌లో అద్భుతంగా ఉంటుంది. పండుగలు కూడా కలిసి సెలబ్రేట్ చేసుకుంటూ ఎప్పటికప్పుడు ఈ మెగా డాటర్స్ ఇద్దరూ ఫోటోలు పెడుతూ ఉంటారు. ఇప్పుడు కూడా ఇదే చేశారు. మహా శివరాత్రి పర్వదినాన్ని పురస్కరించుకుని సంప్రదాయ బద్ధంగా జరుపుకుని భక్తి శ్రద్ధలతో పూజలు చేసుకున్న తర్వాత ఇలాంటి లుక్ పోస్ట్ చేశారు. చీరలో ఉన్న ఫోటోలు వైరల్ అవుతున్నాయి.