ప్రియుడికి బ్రేక‌ప్ చెప్పిన జెన్నిఫ‌ర్ లోపెజ్

జెన్నిఫ‌ర్ లోపెజ్(51) గురించి ప్ర‌త్యేక ప‌రిచ‌యాలు అక్క‌ర్లేదు. త‌న పాట‌తో కోట్లాది ప్రేక్ష‌కుల‌ని అల‌రించిన జెన్నిఫ‌ర్…ప్రముఖ క్రీడాకారుడు అలెక్స్ రోడ్రిగెజ్‌తో నాలుగు సంవ‌త్స‌రాలుగా స‌హ‌జీవ‌నం చేస్తుంది.   గత ఏడాది ఈ జంట‌ పెళ్లి చేసుకోవాల‌ని భావించారు. కాని క‌రోనా వ‌ల‌న వాయిదా ప‌డింది.అయితే గతవారం వీరిద్దరూ తమ ఎంగేజ్‌మెంట్‌ను క్యాన్సిల్‌ చేసుకున్నట్టు యూఎస్‌ మీడియాలో వార్తలు గుప్పుమన్నాయి. చార్మ్ స్టార్ మాడిసన్ లెక్రోయ్‌తో అలెక్స్‌ చెట్టాపట్టాలేసుకుని తిరగుతున్నాడ‌నే కార‌ణంగా జెన్నిఫ‌ర్ ఈ నిర్ణ‌యం తీసుకుంద‌ట‌. దీనిపై అధికారిక ప్ర‌క‌ట‌న రావ‌ల‌సి ఉంది. గత ఏడాది మయామిలో 40 మిలియన్ డాలర్ల ఇంటిని కొనుక్కున్న ఈ జంట అంద‌రి దృష్టిని ఆక‌ర్షించింది. ప్ర‌స్తుతం జెన్నీఫ‌ర్ .. డొమినికన్ రిపబ్లిక్‌లో షూటింగ్‌లో బిజీగా ఉన్నారు.