ఇరువురి మధ్య గొడవను అడ్డుకునేందుకు వెళ్లిన మహిళ మృతి

ఇద్దరు మహిళల మధ్య జరుగుతున్న గొడవను అడ్డుకునేందుకు వెళ్లిన మదరి బాయి (55) అనే మహిళ దాడికి గురై మృతి చెందినట్లు సమాచారం.

గాంధారి : కరీంనగర్‌ జిల్లా గాంధారి మండలంలోని నేరళ్ల తండా గ్రామంలో విషాద ఘటన చోటు చేసుకుంది. ఇద్దరు మహిళల మధ్య జరుగుతున్న గొడవను అడ్డుకునేందుకు వెళ్లిన మదరి బాయి (55) అనే మహిళ దాడికి గురై మృతి చెందినట్లు సమాచారం. వివరాల్లోకి వెళ్తే స్థానికులు చెప్పిన వివరాల ప్రకారం.. గ్రామానికి చెందిన మాదిరి బాయి తన ఇంటి పక్కన నివసించే ఇద్దరు మహిళల మధ్య పశువులు కట్టేసే స్థలం విషయంలో ఇరువురి మధ్య వివాదం తలెత్తింది.

అందులో ఓ మహిళ తన స్థలంలో బర్రెను ఎందుకు కట్టేశావ్ అని అడగగా ఇద్దరి మధ్య వాగ్వాదం తీవ్రంగా మారింది. ఈ క్రమంలో గొడవను ఆపేందుకు మధ్యలోకి వెళ్లిన మాదిరి బాయిపై కర్రతో దాడి జరిగినట్లు సమాచారం. ఈ దాడిలో తీవ్రంగా గాయపడిన మాదిరి బాయి నీ గ్రామస్తులు చికిత్స కోసం గాంధారిలోని ఓ ప్రైవేట్ హాస్పిటల్‌కు తరలించగా వైద్యులు ఆమెను పరిశీలించి అప్పటికే మృతిచెందినట్లు నిర్ధారించారు. ఈ ఘటనతో నేరాలతండలో వివాదం చోటు చేసుకుంది.