ఇది కాంగ్రెస్‌ తెచ్చిన కరువే

రాష్ట్రంలో ప్రస్తుత వ్యవసాయ సంక్షోభం కాంగ్రెస్‌ ప్రభుత్వ ముందుచూపు లేని విధానాల వల్ల తలెత్తిన కరువేనని మాజీ మంత్రి, బాల్కొండ ఎమ్మెల్యే వేముల ప్రశాంత్‌రెడ్డి ధ్వజమెత్తారు.

ఖలీల్‌వాడి, అక్టోబర్‌ 9: నిజామాబాద్‌ జిల్లా కేంద్రంలోని బీఆర్‌ఎస్‌ కార్యాలయంలో నిర్వహించిన దశాబ్ది వేడుకల్లో మాజీ ఎమ్మెల్యేలు బాజిరెడ్డి గోవర్ధన్‌, జీవన్‌రెడ్డి, బిగాల గణేశ్‌గుప్తా, మాజీ ఎమ్మెల్సీ వీజీగౌడ్‌ తదితరులతో కలిసి వేముల పాల్గొన్నారు.

ఈ సందర్భంగా ఆయన మీడియా మాట్లాడుతూ.. శ్రీరామ్‌సాగర్‌ ప్రాజెక్టులో 46 టీఎంసీల నీళ్లున్నా వాటిని ఎందుకు విడుదల చేయడం లేదని ప్రశ్నించారు. 3 టీఎంసీలు విడుదల చేసి, ఎత్తిపోతల పథకాలను పూర్తిస్థాయిలో నడిపిస్తే ఉమ్మడి నిజామాబాద్‌ జిల్లాలో పంటలన్నీ చేతికొస్తాయని తెలిపారు.