అఖిలపక్ష భేటీలో ఉత్తమ్ అబద్ధాలు
నీటిపారుదల శాఖ మంత్రి ఉత్తమ్కుమార్రెడ్డి మరోసారి అబద్ధాలు వల్లెవేశారు. కృష్ణా జలాల వినియోగంపై ప్రతిపక్షాలే తప్పుడు లెక్కలు చెప్తున్నాయని అంటూ ఆయనే తప్పుడు ప్రచారానికి దిగారు.
- కృష్ణా నీళ్లు ఏపీ కంటే మనమే ఎక్కువ వినియోగించుకున్నామని అసత్యాలు
- ప్రతిపక్షాల దుష్ప్రచారమేనని వ్యాఖ్యలు
హైదరాబాద్, అక్టోబర్ 28 (నమస్తేతెలంగాణ) : నీటిపారుదల శాఖ మంత్రి ఉత్తమ్కుమార్రెడ్డి మరోసారి అబద్ధాలు వల్లెవేశారు. కృష్ణా జలాల వినియోగంపై ప్రతిపక్షాలే తప్పుడు లెక్కలు చెప్తున్నాయని అంటూ ఆయనే తప్పుడు ప్రచారానికి దిగారు. బుధవారం సచివాలయంలో జరిగిన అఖిలపక్ష సమావేశంలో ఆయన ఈ వ్యాఖ్యలు చేశారు. నదీజలాల అంశంపై కొన్ని ప్రతిపక్ష పార్టీలు చేసిన ఆరోపణల్లో వాస్తవం లేదని భేటీ అనంతరం ఆయన ఎక్స్ వేదికగా ట్వీట్ చేశారు. 2026 అక్టోబర్ 28 నాటికి శ్రీశైలం జలాశయం నుంచి తెలంగాణ 127.57 టీఎంసీలు, ఆంధ్రప్రదేశ్ 72.237 టీఎంసీలు, నాగార్జునసాగర్ జలాశయం నుంచి తెలంగాణ 41.908 టీఎంసీలు, ఆంధ్రప్రదేశ్ 17.207 టీఎంసీలు వినియోగించాయని వెల్లడించారు. ఈ గణాంకాలు ఇలా ఉంటే.. శ్రీశైలం, నాగార్జునసాగర్ ప్రాజెక్టుల నుంచి తెలంగాణ కంటే ఆంధ్రప్రదేశ్ ఎకువ కృష్ణా జలాలను వినియోగిస్తున్నదని బీఆర్ఎస్ చేస్తున్న ఆరోపణ అవాస్తవమని పేర్కొనడం గమనార్హం.
ఎన్డీఎస్ఏ సూచనలేనంటూ అదే వాదన
మేడిగడ్డ, అన్నారం, సుందిళ్ల బరాజ్ల మరమ్మతు, పునరుద్ధరణ పనులు, కేంద్ర జల్శక్తి మంత్రిత్వ శాఖ నియమించిన టెక్నికల్ ఓవర్ సైట్ కమిటీ మార్గదర్శకాలకు అనుగుణంగా జరుగుతున్నాయని మంత్రి ఉత్తమ్ పేర్కొన్నారు. ఈ కమిటీలో ఎన్డీఎస్ఏ, సీడబ్ల్యూసీ, ఇతర ప్రభుత్వ సంస్థలకు చెందిన ప్రముఖ నిపుణులు ఉన్నారని, వారి సూచనలనే తాము పాటిస్తున్నామని చెప్పుకొచ్చారు. ఆ బరాజ్ల మరమ్మతు పూర్తయ్యే వరకు, గేట్లను కిందకు దించడానికి ఎన్డీఎస్ఏ అనుమతించదని, ఈ పరిస్థితుల్లో నీటిని నిల్వ చేయడం లేదా ఎత్తిపోత సాధ్యం కాదని స్పష్టంచేశారు. అన్నారం, సుందిళ్ల బరాజ్నూ ఉపయోగించకూడదని ఎన్డీఎస్ఏ స్పష్టంగా పేర్కొన్నదని చెప్పారు. మేడిగడ్డ మరమ్మతులు చేసుకోవాలని ఎన్డీఎస్ఏ గతంలోనే సూచించినప్పటికీ, మంత్రి ఉత్తమ్ మాత్రం ఎన్డీఎస్ఏను సాకుగా పేర్కొనడంపై అభ్యంతరాలు వ్యక్తమవుతున్నాయి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Harish Rao | ఉత్తమ్.. అబద్ధాలు మానుకో.. హరీశ్రావు హితవు
DSC Notification | ఆరునెలలకో టెట్.. డీఎస్సీ హాంఫట్.. ఉపాధ్యాయ పోస్టుల భర్తీలో సర్కార్ జాప్యం!
Rythu Bandhu | రైతుబంధు వరం.. తగ్గిన రుణభారం.. కేసీఆర్ పథకం.. తెచ్చిన ఫలితం
KCR | కేసీఆర్ తాత మంచిగున్నారా..కేటీఆర్ను అడిగిన చిన్నారి శ్రీయాన్సిక!
Revanth Reddy | రేవంత్ పాలనలో ఆదాయం డౌన్.. రూ.500 కోట్ల జీఎస్టీ వసూళ్లకు బ్రేక్
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

