TS Police Events | రేప‌ట్నుంచే పోలీసు ఈవెంట్స్.. ఇవి మిస్ కాకండి..

TS Police Events | రాష్ట్రంలో పోలీసు కానిస్టేబుల్, ఎస్ఐ ఉద్యోగాల‌కు పోటీ ప‌డుతున్న అభ్య‌ర్థుల‌కు డిసెంబ‌ర్ 8వ తేదీ నుంచి వ‌చ్చే ఏడాది జ‌న‌వ‌రి 3వ తేదీ వ‌ర‌కు దేహ దారుఢ్య ప‌రీక్ష‌లు నిర్వ‌హించ‌నున్నారు.

TS Police Events | రాష్ట్రంలో పోలీసు కానిస్టేబుల్, ఎస్ఐ ఉద్యోగాల‌కు పోటీ ప‌డుతున్న అభ్య‌ర్థుల‌కు డిసెంబ‌ర్ 8వ తేదీ నుంచి వ‌చ్చే ఏడాది జ‌న‌వ‌రి 3వ తేదీ వ‌ర‌కు దేహ దారుఢ్య ప‌రీక్ష‌లు నిర్వ‌హించ‌నున్నారు. తెలంగాణ వ్యాప్తంగా 11 కేంద్రాల్లో ఈ ప‌రీక్ష‌ల‌ను నిర్వ‌హించ‌నున్న‌ట్లు పోలీసు రిక్రూట్‌మెంట్ బోర్డు ప్ర‌క‌టించింది. ఇందుకు ఏర్పాట్ల‌న్నీ పూర్త‌య్యాయ‌ని స్ప‌ష్టం చేశారు.

ఈవెంట్స్‌కు అర్హ‌త సాధించిన అభ్య‌ర్థులు త‌మ‌కు నిర్దేశించిన కేంద్రానికి వెళ్లి ఉద‌యం 6 గంట‌ల లోపు రిపోర్టింగ్ చేయాల్సి ఉంటుంది. ప్ర‌తి అభ్య‌ర్థి త‌ప్ప‌నిస‌రిగా కుల ధ్రువీక‌ర‌ణ ప‌త్రం(క్యాస్ట్ స‌ర్టిఫికెట్‌), అడ్మిట్ కార్డు, పార్ట్-2 అప్లికేష‌న్ ఫార‌మ్‌తో పాటు ఏజెన్సీ ఏరియా స‌ర్టిఫికెట్ కూడా తీసుకెళ్లాలి. ఈ ప‌త్రాల‌పై త‌ప్ప‌నిస‌రిగా సెల్ఫ్ అటెస్టెడ్ చేసి ఉండాలి. ఎక్స్ సర్వీస్ మెన్లకు నో అబ్జెక్షన్ సర్టిఫికేట్లు త‌ప్ప‌నిస‌రి.

-పురుష అభ్య‌ర్థులు 7 నిమిషాల 15 సెక‌న్ల‌లో 1600 మీట‌ర్ల ప‌రుగు పూర్తి చేయాలి. అనంత‌రం ఎత్తును కొలుస్తారు. ఎక్స్ స‌ర్వీస్ మెన్స్ అయితే 9 నిమిషాల 30 సెక‌న్ల‌లో పూర్తి చేయాల్సి ఉంటుంది.
-మ‌హిళా అభ్య‌ర్థులు 5 నిమిషాల 20 సెక‌న్ల‌లో 800 మీట‌ర్ల ప‌రుగును పూర్తి చేయాలి.
-పురుషులు లాంగ్ జంప్ 4 మీట‌ర్లు ఆపైన చేయాలి. మ‌హిళ‌లు 2.50 మీట‌ర్లు, ఆపై చేయాల్సి ఉంటుంది.
-పురుషులు షార్ట్ పుట్(7.26 కేజీలు) 6 మీట‌ర్లు, ఆపైన విస‌రాలి. మ‌హిళ‌లు షాట్ పుట్(4 కేజీలు) 4 మీట‌ర్లు, ఆపైన విస‌రాల్సి ఉంటుంది.