KU exams | రేపటి కేయూ పరీక్షలు వాయిదా

10వ తేదీ (శనివారం) జరగాల్సిన కాకతీయ విశ్వవిద్యాలయ దూరవిద్య పీజీ మూడవ సెమిస్టర్ పరీక్షలను 12వ తేదీ (సోమవారం) ఉదయం 10 గంటల నుంచి మధ్యాహ్నం 1 గంటల వరకు నిర్వహించనున్నట్లు పరీక్షల నియంత్రణాధికారి కట్ల రాజేందర్ తెలిపారు.

హనుమకొండ చౌరస్తా, అక్టోబర్ 9 : బతుకమ్మ పండుగ ప్రారంభాన్ని పురస్కరించుకొని 10వ తేదీ (శనివారం) జరగాల్సిన కాకతీయ విశ్వవిద్యాలయ దూరవిద్య పీజీ మూడవ సెమిస్టర్ పరీక్షలను 12వ తేదీ (సోమవారం) ఉదయం 10 గంటల నుంచి మధ్యాహ్నం 1 గంటల వరకు నిర్వహించనున్నట్లు పరీక్షల నియంత్రణాధికారి కట్ల రాజేందర్ తెలిపారు.

అదేవిధంగా ఐదేళ్ల ఎం.ఎస్సీ. (కెమిస్ట్రీ, బయోటెక్నాలజీ) నాలుగో సెమిస్టర్ పరీక్షలను కూడా 10వ తేదీ నుంచి వాయిదా వేసి, అక్టోబర్ 12వ తేదీ (సోమవారం) మధ్యాహ్నం 2 గంటల నుంచి సాయంత్రం 5 గంటల వరకు నిర్వహించనున్నట్లు వెల్లడించారు. పరీక్షల తేదీలు, సమయాల్లో చేసిన మార్పులను విద్యార్థులు, కళాశాలల యాజమాన్యాలు గమనించి, తదనుగుణంగా వ్యవహరించాలని పరీక్షల నియంత్రణాధికారి సూచించారు.